web counter
LEXO PA REKLAMA!

SHKARKO APP

App Store
Google Play

“Rinumërimi është devijim nga problemi kryesor”/ Lubonja: Anulim i zgjedhjeve që të na bëhet mësim

12 Qershor 2025, 22:01, Politikë CNA

“Rinumërimi është devijim nga problemi kryesor”/

Analisti Fatos Lubonja e quajti sot procesin e rinumërimit si një devijim nga problemi kryesor, që sipas tij është vetë sistemi politik.

 I ftuar në emisionin ‘Log.’, Lubonja propozoi anulimin e zgjedhjeve si një praktikë të njohur në shumë vende të Europës dhe që sipas tij do të vlejë për të edukuar të gjithë të përfshirët në procesin e zgjedhjeve.

“Procesi i rinumërimit është një devijim nga problemi kryesor, që është sistemi politik që kemi ngritur, që nuk lejon më rotacion. Kjo është një çështje kulture 30-vjeçare. Pra, ne në vend që ta bëjmë votën të shenjtë, vullnetin e individit të shenjtë, mendojmë se si të vjedhim votën. Vullneti për të vjedhur njëri-tjetrin shfaqet në shumë forma. Çështja është: si mundemi ta ndalojmë këtë? Në Austri janë anuluar zgjedhjet nga Gjykata Kushtetuese vetëm se dy qendra nuk u mbyllën në kohën e duhur, teksa nuk prishej kurrsesi rezultati, por nuk ishte korrekt procesi. Këtë duhet të bëjmë ne, të edukohemi që për 5 prova të kthejmë të gjithën mbrapsht. Rinumërimi në Tiranë do të tregojë kulturën e përgjithshme që kanë vjedhur. Duhet të bëhet mësim. Këtu flitet për vjedhje votash, nuk dëgjoj as në Kosovë, as në Maqedoni dhe nuk mendoj se mund të ketë vend në Evropë që të ndodhë kjo.”-tha Lubonja./CNA





Lajmet e fundit nga