web counter
LEXO PA REKLAMA!

SHKARKO APP

App Store
Google Play

E fundit!

x

Kandidati i PD-së: Partia nuk na mbështeti, se kujt i interesoi të lëvizë votat brenda llojit do e gjejmë rrugës

11 Qershor 2025, 21:20, Politikë CNA

Kandidati i PD-së: Partia nuk na mbështeti, se kujt i interesoi

Kandidati i PD-së për Tiranën Lisandër Hoxha, është shprehur se në fillimi kur kërkuan rinumërimin e votave, partia nuk e mbështeti.

Në një emisionin në A2Cnn, Hoxha tha se pasi u bë zhurmë për pjesën e rinumërimit të votave për të gjitha qarqet aty ndryshoi çështja.

Më tej ai hodhi akuza se dikush ka patur interesa të lëvizë votat brenda llojit, por personin që e ka bërë këtë, Hoxha tha se do ta gjejnë rrugës.

“Unë jam nga ata njerëz të lirë që mandatin dhe votat e mia ua kam borxh qytetarëve dhe askujt në parti. Duke qenë i lirë, kam të gjithë lirinë e mundshme për të shprehur mendimin tim siç e kam. I gjithë fokusi do duhej të ishte te masakra zgjedhore, e cila vërtet ka ndodhur, por unë nuk mund të përjashtoj edhe këtë. Në këtë kontekst, shyqyr që kemi disa kandidatë të PD-së që guxojnë dhe flasin në interesin publik, jo të mandatit. Kurrë më nuk duhet përsëritur kjo histori, sepse është turp t’i vjedhësh votën tjetrit te kutia.

Unë jam një njeri i lirë, jam i djathtë. Besoj te vlerat e së djathtës që janë fisnikëria. Kontributin tim nuk e kam të lidhur me asnjë person, por e kam të lidhur me parimet. Bashkëjetoj nën rregulla të caktuara politike me shumë njerëz. Unë kam kërkuar mbështetjen e partisë dhe partia në fazën e parë nuk na mbështeti. Pasi u bë e madhe gjëja, që doli në publik votimi, pastaj kishte kërkesën për rinumërim të të gjithë Qarkut Tiranë.

Në këtë fazë nuk mund të çonim numra kutish, por kërkesa jonë ishte legjitime sepse ne hasëm në fakte dhe prova që nuk ishte numëruar si duhet. Se kujt i ka interesuar të lëvizë votat brenda llojit, këtë e gjejmë rrugës. Ne jemi tani te faza e parë”, shtoi më tej Lisandër Hoxha./ CNA





Lajmet e fundit nga