web counter
LEXO PA REKLAMA!

SHKARKO APP

App Store
Google Play

10 ditë penalitet për Metën/ “Në qeli nuk ka as ujë”

11 Qershor 2025, 19:29, Politikë CNA

10 ditë penalitet për Metën/ “Në qeli nuk ka as

Komisioni i Disiplinës në burgjet shqiptare i ka dënuar me 10 ditë ndalim për ushtrimin e aktiviteteve sportive pasi në shkelje të rregullores ka realizuar një intervistë në Ora News përmes një telefoni nga qelia e tij.

Meta ka pranuar se është dënuar, ndërsa ka rrëfyer dhe jetesën e tij në burg.

Ai është shprehur se në qeli nuk ka as ujë, megjithatë deklaron se është në top formë.

Intervista e Metës në Ora News

Po, ky vendim "historik" është i vërtetë dhe m'u komunikua sot nga Komisioni i Disiplinës në IEPV "Jordan Misja", gjoja pse kisha kryer një bisedë telefonike në ora 20:20, kur telefonatat lejohen deri në ora 20:00.

Këtë orar strikt unë nuk e dija sepse sigurisht do ta respektoja.

Në fakt ndalimi i aktivitetit tim sportiv (ping-pong) për 10 ditë ndodhi për shkak të intervistës që unë dhashë për kolegen tuaj Beti Njuma.

Unë kam telefonuar z. Tedi Blushi, me të cilin jam në kontakt të vazhdueshëm, i cili ishte duke zhvilluar live një intervistë me të dhe natyrisht që nuk mund t'i shmangesha pyetjeve të Znj.Njuma, në respekt jo vetëm të integritetit të lartë profesional që ka por edhe të pasionit të saj për ngjitjen në male.

Pavarësisht "dënimit historik" të jeni të bindur se intervistat e mia nuk do të ndalen, përkundrazi tani do të jenë edhe më të shpeshta.

Si ndiheni në burg tani prej 8 muajsh?

Unë personalisht ndihem në top-formë si kurrë më parë.

Ushtrohem disa herë në ditë dhe lexoj e shkruaj shumë, kam mësuar shumë gjëra të reja, pasi kurrë s'kam jetuar në konvikt.

Kam takuar (edhe pse shumë pak), njerëz të mrekullueshëm dhe fisnikë që rrinë këtu vetëm për statistika të rrejshme.

Po me të nxehtin tani si ja bëni?

Kjo nuk është sfidë për mua pasi unë kam problem kondicionerin dhe jo të nxehtin.

Vërtet tani nuk ka ujë, këtu në mes të Tiranës edhe 12 vjet pas premtimit të Kryerilindasit, por kur vjen 1 ose 2 orë, mbushim bidonat për t'u larë.





Lajmet e fundit nga