web counter
LEXO PA REKLAMA!

SHKARKO APP

App Store
Google Play

E fundit!

x

“Rama është si Asadi”/ Berisha: Strukturat e PD-së janë të angazhuara në verifikimin e farsës elektorale

11 Qershor 2025, 12:55, Politikë CNA

“Rama është si Asadi”/ Berisha: Strukturat e PD-së

Kreu i Partisë Demokratike, Sali Berisha, deklaroi sot se të gjitha strukturat e PD-së janë të angazhuara në identifikimin, në verifikimin dhe certifikimin e farsës elektorale.

Gjatë një konference për mediat nga selia e PD-së, Berisha u shpreh se ka një mal gjigant propagande mashtrimi që është ngritur me qëllimin e vetëm që të mbulojë farsën.

Berisha tha se kryeministrin Edi Rama e ndajnë vetëm dy pikë nga ish-lideri sirian Al-Asadi.

“Të gjitha strukturat e PD-së janë të angazhuara në identifikimin, në verifikimin dhe certifikimin e farsës elektorale.

Natyrisht, siç e keni konstatuar edhe ju, një mal gjigant propagande mashtrimi është ngritur me qëllimin e vetëm që të mbulojë farsën elektorale, por gjithçka po shkrihet si bryma para diellit, si bora para diellit, nga këto fakte të përditshme që flasin dhe akuzojnë Edi Ramën dhe Altin Troplinin më shumë se gjithçka tjetër.

Pra, kjo që po ndodh këtu është një përgjigje ndaj trillimeve, mashtrimeve, dezinformimeve që pseudointelektualë, mercenarë të paguar nga krimi, të lidhur me krimin edhe në të shkuarën e tyre më të largët, përpiqen çdo ditë të sfumojnë, përpiqen çdo ditë të mbrojnë farsën elektorale të Edi Ramës dhe të fajësojnë opozitën si përgjegjëse për farsën.

Nuk ka amoralitet mediatik më të madh se ky.

Imagjinoni këta njerëz se si zhvishen. Këta janë pengje të së shkuarës dhe të vetes së tyre që detyrohen të marrin pjesë në një fushatë të tillë avokatie të krimit më të madh elektoral që ka ndodhur në Europë pas rënies së Perdes së Hekurt.

Ju e morët vesh që Edi Rama me shtetërimin e votës së diasporës, u afrua dhe vetëm dy pikë e ndajnë nga Asadi. Në Fier ishte 93 për qind Rama, 95 për qind ishte Asadi para se të merrte avionin.

Kështu që këtu është Këshilli Kombëtar, anëtarësia e PD-së, këtu janë 600 mijë qytetarë që nuk votuan Edi Ramën, janë në këtë gjyq publik që i bëhet farsës elektorale”,-tha Berisha./CNA





Lajmet e fundit nga