web counter
LEXO PA REKLAMA!

SHKARKO APP

App Store
Google Play

Mblidhet Këshilli Bashkiak/ Kërkohet shkarkimi i Erion Veliajt

10 Qershor 2025, 18:30, Politikë CNA

Mblidhet Këshilli Bashkiak/ Kërkohet shkarkimi i Erion Veliajt

Sot është zhvilluar mbledhja e radhës në Këshillin Bashkiak.

Këshilltarët e opozitës kanë kërkuar që në mbledhjen e ditës së sotme të futet në rend dite shkarkimi i kryetarit të Bashkisë së Tiranës Erion Veliaj.

Kërkesa vjen pasi Veliaj ka munguar më shumë se tre muaj në detyrë.

Kjo kërkesë e këshilltarëve të opozitës është kundërshtuar nga këshilltarët e Partisë Socialiste.

Me votat e mazhorancës nuk është pranuar që të futet në rend dite shkarkimi i kryebashkiakut të arrestuar të Tiranës Erion Veliaj.

Që prej 10 shkurtit Erion Veliaj qëndron prapa hekurave për një sërë akuzash të rënda.

Fillimisht ndaj tij rëndonin akuzat për veprat penale korrupsion pasiv dhe aktiv si dhe pastrim i produkteve të veprës penale.

Më tej, iu shtuan akuzat “Futja e sendeve të ndaluara në qelitë e paraburgimit”, “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.

Një ditë më parë, Apeli i GJKKO la në fuqi masën e sigurisë arrest me burg për Veliajn, i cili ofroi garanci pasurore për lirimin e tij, gjë që u refuzua nga gjykata.

Ndaj kryebashkiakut të arrestuar të Tiranës, i cili mbahet në burgun e Durrësit, rëndojnë 12 akuza për 4 vepra penale, siç i theksuam më lart, për “Korrupsion aktiv dhe pasiv i të zgjedhurve vendorë”, “Pastrimi i produkteve të veprës penale”, “Futja e sendeve të ndaluara në qelitë e paraburgimit”, “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”./ CNA





Lajmet e fundit nga