web counter
LEXO PA REKLAMA!

SHKARKO APP

App Store
Google Play

Rinumërimi për Fierin dhe Tiranën/ Celibashi zbulon detaje: Procedura do të marrë 18 deri në 20 ditë

10 Qershor 2025, 10:30, Politikë CNA

Rinumërimi për Fierin dhe Tiranën/ Celibashi zbulon detaje:

Komisioneri Qendror i Zgjedhjeve, Ilirjan Celibashi, ka zhvilluar një konferencë me gazetarët ku ka folur për rinumërimin e votave në qarqet Tiranë dhe Fier.

Celibashi tha se procesi i rinumërimit do të ndodhë në pallatin e sportit “Fahrie Hoti” dhe do të zgjasë deri në 20 ditë.

Më tej, kreu i KQZ-së u shpreh se rinumërimi është kompetencë e KAS-it, dhe do të jetë Komisioni i Ankesave dhe Sanksioneve që do të vendosë për këtë proces.

“Procesi do të zhvillohet në ambientet e pallatit të sportit 'Fahrie Hoti'. Do të ngrihen 24 ose 25 grupe numërimi, të përbëra nga 2 ose 3 anëtarë të KQZ-së. Procedura do të marrë 18 deri në 20 ditë. Ky proces është një proces që është kompetencë e plotë e KAS-it, do të jetë KAS që do të vendosë mbi çdo element të këtij procesi. Nga një vlerësim që ka bërë KQZ nuk do të ketë nevojë për fonde shtesë në këtë proces. Nuk do ketë hapje të kutive të materialeve zgjedhore”, tha Celibashi./ CNA





Lajmet e fundit nga