web counter
LEXO PA REKLAMA!

SHKARKO APP

App Store
Google Play

Lapaj flet përçart: Nga zgjedhjet e 11 majit na takonin 6 mandate

9 Qershor 2025, 21:21, Politikë CNA

Lapaj flet përçart: Nga zgjedhjet e 11 majit na takonin 6 mandate

Adriatik Lapaj nuk ka lënë pa shprehur sot pretendimet e radhës nga zgjedhjet e 11 majit, nga ku nuk arriti të marrë mandat, se partisë së tij i takonin 6 mandate.

I ftuar në një emision televiziv, Lapaj fajësoi për rezultatin sistemin aktual elektoral dhe pragun e vendosur, që sipas tij kanë bërë që mijëra vota të mbeten pa përfaqësim, teksa partia e tij ka marrë në total vetëm një mandat nga zgjedhjet parlamentare.

“Ne do të duhej të kishim fituar 6 mandate. Pastaj, gjithçka varet nga pragu elektoral. Ka vende ku ky prag është 3% dhe nëse do të ishte kështu edhe tek ne, do të kishim marrë 6 mandate.

Ka vende që e kanë pragun 5%. Me votat që kemi marrë, nuk do ta kishim kaluar shumë këtë prag.

Por nëse sistemi do të ishte proporcional në nivel kombëtar, do ta kishim kaluar, veçanërisht në zona me shumë banorë, si Tirana. Ka republika që aplikojnë pragje të ndryshme, por në rast se do të kishim një sistem proporcional kombëtar, rezultati do të ishte krejt tjetër. Shumë njerëz ndoshta nuk e kanë dhënë votën, sepse kanë menduar që ajo nuk do të përkthehej në mandate. Po të kishin votuar, rezultati do të kishte qenë ndryshe. Për ta thënë troç ka edhe nga ata që mendojnë se votat që morëm nuk u përkthyen në mandate.

Në fakt, votat që kemi marrë përfaqësojnë 6 deri në 7 mandate. Për shembull, Partia Socialiste në qarkun e Vlorës, me 64,500 vota, ka marrë 9 mandate, ndërkohë ne, me 64,268 vota, kemi marrë vetëm 1 mandat dhe ka një detaj shumë të rëndësishëm këtu ne nuk kemi vetëm 64,268 vota, kemi edhe mbi 15,000 vota që janë shpallur të pavlefshme. Jemi partia me numrin më të madh të votave të pavlefshme në këto zgjedhje.

Sepse kur përfaqësuesit e PS-së shkonin në terren, p.sh. në Mirditë, dhe takonin qytetarë që kishin vendosur të votonin Gjeneral Ded Prengën, ata u thoshin: “Mirë, votojeni Gjeneral Ded Prengën për kandidat, por si parti voto Partinë Socialiste, numrin 5.”

Si rezultat, Gjeneral Ded Prenga ka qindra e qindra vota në Mirditë që janë shpallur të pavlefshme për shkak të kësaj strategjie. Dhe në të gjithë Shqipërinë, kemi mbi 15,000 vota  vullnete qytetarësh që janë djegur nga ky manipulim. Pra, në total, flasim për rreth 80,000 vullnete qytetarësh që janë anashkaluar. 

Votoni kandidatin e Lapajt, por jo partinë. Partinë jepjani PS-së... dhe kështu janë djegur mbi 15,000 vota.”-tha Lapaj./CNA

 





Lajmet e fundit nga