web counter
LEXO PA REKLAMA!

SHKARKO APP

App Store
Google Play

E fundit!

x

"Informova mbi zhvillimet shqetësuese në vend"/Balliu takim me përfaqësues të Bundestagut dhe KiE

7 Qershor 2025, 09:02, Politikë CNA

"Informova mbi zhvillimet shqetësuese në vend"/Balliu takim

Shefi i Organizimit të Partisë Demokratike, Klevis Balliu me anë të një postimi në rrjetet sociale ka ndarë detaje nga tkaimet me përfaqësues të Bundestagut dhe Asamblesë Parlamentare të KiE.

Balliu shkruan se gjatë takimeve u theksua mbështetja ndërkombëtare për rugën e Shqipërisë drejt Europës.

Më tej, Balliu thotë se ka informaur bashkëbiseduesit mbi procesin zgjedhor të 11 majit, për të cilin thotë se u karakterizua nga parregullsi të shumta.

 

“Takim me përfaqësues të Bundestagut dhe Asamblesë Parlamentare të Këshillit të Europës: Angazhim i përbashkët për demokracinë dhe integrimin europian.

Ishte një kënaqësi e veçantë të takoja anëtarin e Asamblesë Parlamentare të Këshillit të Europës, z. Koloman Brenner, si dhe deputetin e Bundestagut gjerman, z. Bern Rützel (SPD).

Gjatë këtij takimi të frytshëm, shkëmbyem mendime mbi rëndësinë thelbësore të forcimit të institucioneve demokratike dhe intensifikimit të përpjekjeve kundër korrupsionit dhe krimit të organizuar — sfida këto që qëndrojnë në themel të procesit të integrimit evropian të Shqipërisë. U theksua mbështetja e qëndrueshme e partnerëve tanë ndërkombëtarë për rrugën europiane të vendit, e cila mbetet e kushtëzuar nga angazhimi ynë i palëkundur për të garantuar sundimin e ligjit, transparencën dhe funksionimin e shtetit të së drejtës.

Në këtë kontekst, informova bashkëbiseduesit mbi zhvillimet shqetësuese të fundit në vend, përfshirë procesin zgjedhor të datës 11 maj, i cili u karakterizua nga parregullsi të rënda dhe ndërhyrje flagrante të elementëve të krimit të organizuar në funksion të interesave qeveritare.

Shpreha angazhimin e plotë të Partisë Demokratike për të mbrojtur standardet demokratike, për të garantuar zgjedhje të lira dhe të ndershme dhe për të vijuar pa kompromis denoncimin dhe çmontimin e çdo akti korruptiv apo kriminal që cenon të ardhmen europiane të Shqipërisë”, shkruan Balliu.





Lajmet e fundit nga