web counter
LEXO PA REKLAMA!

SHKARKO APP

App Store
Google Play

“Nuk do ta gëzojë Edi Rama/ Berisha: Dokumentet e farsës elektorale do të dërgohen në SHBA

5 Qershor 2025, 20:08, Politikë CNA

“Nuk do ta gëzojë Edi Rama/ Berisha: Dokumentet e farsës

Kreu i Partisë Demokratike, Sali Berisha, gjatë një interviste këtë të enjte në ‘SYRI TV’, deklaroi se do të vijojë takimet intensive me ndërkombëtarët për atë që e cilëson si farsën elektorale të 11 majit.

Berisha siguroi se Partia Demokratike do të dërgojë në SHBA dokumentet e farsës elektorale.

“Do të ketë takime të tjera intensive, private dhe publike. Ky është vetëm fillimi.

Dokumentet e farsës elektorale do të dërgohen dhe në SHBA, një pjesë janë dërguar, por do të dërgohen dhe të tjera.

Kjo është një përpjekje e jashtëzakonshme për të kthyer votën e lirë tek shqiptarët.

Ne do bëjmë gjithçka dhe thashë dhe njëherë, këto janë vetëm hapat e parë, nuk do ta gëzojë Edi Rama.

Do të jenë forumet që do të përcaktojnë vendimin për në muajin shtator, por nuk do të lemë përpjekje pa bërë për tu kthyer votën e lirë shqiptarëve.

Çështja e zgjedhjeve është në radhë të parë kombëtare, por është edhe ndërkombëtare sepse ka të bëjë me legjitimitetin brenda dhe jashtë vendit. Ndaj përpjekja jonë me aleatët, partnerët, institucionet ndërkombëtare do të jetë shumë intensive.

Ajo çfarë ne përpiqemi dhe do e realizojmë, është që të faktojmë tek komuniteti ndërkombëtar se ky parlament shqiptar nuk shpreh vullnetin e qytetarëve shqiptarë dhe ky objektiv është i ndershëm, është objektiv i vërtetë dhe nuk bazohet në asnjë lloj fantazie, por në fakte të pakundërshtueshme dhe realizimi i të cilit kërkon që shqiptarët të votojnë të lirë, të krijohet një qeveri teknike për zgjedhjet dhe të shkohet drejt zgjedhjeve",-tha Berisha./CNA 

 





Lajmet e fundit nga