web counter
LEXO PA REKLAMA!

SHKARKO APP

App Store
Google Play

E fundit!

x

Gogu rikthehet si predikues: Zoti e ruajttë vendin tonë nga ata që janë gati ta djegin, se nuk e qeverisin dot

5 Qershor 2025, 13:21, Politikë CNA

Gogu rikthehet si predikues: Zoti e ruajttë vendin tonë nga ata

Në fjalën e sotme në Kuvend, deputeti Gogu njëkohësisht Nënkryetar i Grupit parlamentar të PS deri në konfigurimin e Kuvendit të ri ju referua deklaratave të bëra nga përfaqësues të PD në panelet ndërkombëtare të ditëve të fundit.

Kujtojmë se Kryetari i PD Sali Berisha në prezantimin e bërë e përshkroi Shqipërinë si narkoshtet. Një përshkrim i tillë nga Kryetari i opozitës sigurisht nuk shkon në një linjë me frymën e anëtarësimit të Shqipërisë në BE.

Gogu duket se është kthyer në rolin e predikuesit pasi në përfundim të fjalimit të tij u shpreh: “Zoti e ruajttë vendin tonë nga ata që janë gati ta djegin, se nuk e qeverisin dot”

“Janë vjedhur vota, po janë vjedhur në primaret e PD dhe e di çdo demokrat këtë gjë. Po është vjedhur, po është vjedhur jeta e 4 qytetarëve në bulevard dhe këtë e pa çdo shqiptar, patjetër. Po është vjedhur shpresa e të rinjve që sot presin të zgjedhin.

Sot, të nderuar kolegë ne kemi mundësi të tregojmë se Shqipëria është mision, Shqipëria është udhëtim, Shqipëria është një besëlidhje me të ardhmen dhe Shqipëria nuk ka nevojë për mallkim dhe sharje.

Unë e mbështes këtë marrëveshje, jo si letra teknike por si shprehje e qartë e një vullneti politik të një Shqipëria që ecë, punon dhe nuk shpif, ndaj sot lutja ime është që Zoti ta bekojë Shqipërinë, shqiptarët të na ndriçojë të gjithë neve që sot, por dhe ata që do vijnë dhe marrin përgjegjësi, të na ndriçojë mendjen dhe ta ruajë Shqipërinë nga ata që janë të gatshëm ta djegin se nuk e qeverisin dot”, tha Gogu./ CNA





Lajmet e fundit nga