E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

KAS rrëzon kërkesën e PD-së për pavlefshmërinë e zgjedhjeve në Kukës

5 Qershor 2025, 10:57, Politikë CNA

KAS rrëzon kërkesën e PD-së për

Komisioni i Ankimimeve dhe Sanksioneve (KAS) ka zhvilluar këtë të enjte seancën për shqyrtimin e kërkesës ankimore të Partisë Demokratike, lidhur me rezultatin e zgjedhjeve të 11 majit në qarkun e Kukësit. PD kishte kërkuar pavlefshmërinë e rezultatit dhe organizimin e një rivotimi, duke argumentuar se procesi kishte parregullsi të cilat ndikuan në përfundimin e zgjedhjeve.

Në përfundim të shqyrtimit, KAS vendosi rrëzimin e kërkesës së PD-së, duke e argumentuar vendimin me mungesën e provave të nevojshme për të ndryshuar rezultatin. Për pasojë, votat nuk do të rinumërohen dhe rezultati mbetet i pandryshuar.

Përfaqësuesit e KAS theksuan se detyra e institucionit është analizimi i fakteve dhe vërtetimi i pretendimeve të paraqitura. Sipas tyre, nuk u gjetën prova të mjaftueshme që të justifikonin pavlefshmërinë e rezultatit apo rivotimin në këtë qark.

“Detyra jonë si trupë nuk ka qenë të përcaktojmë nëse janë të vërteta të gjitha faktet apo jo në seancat e parashtruara. Detyra jonë ka qenë që, midis morisë së fakteve, të identifikonim ato fakte që kanë lidhje me kërkesën për pavlefshmëri zgjedhjesh. Për këtë të fundit, ne duhej të verifikonim nëse provohej vërtetësia e tyre. Pas kësaj, do të verifikonim se sa kanë ndikuar ato në rezultatin e zgjedhjeve. Vendimi ynë nuk duhet të bazohet mbi hipoteza, por mbi prova. Kemi vendosur rrëzimin e kërkesës ankimore numër 37, për subjektin zgjedhor PD-ASHM, për shpalljen e pavlefshme të zgjedhjeve të datës 11.05.2025 në zonën e Kukësit, si të pambështetur në ligj dhe në prova.'-tha Ilirjan Rusmali.

Në zgjedhjet e 11 majit, PD siguroi dy mandate, ndërsa Partia Socialiste mori një mandat./ CNA