web counter
LEXO PA REKLAMA!

SHKARKO APP

App Store
Google Play

E fundit!

x

Raporti i Komisionit të Punëve të Jashtme të PE-së/ Berisha: Damkosi regjimin e Ramës

4 Qershor 2025, 13:39, Politikë CNA

Raporti i Komisionit të Punëve të Jashtme të PE-së/

Kreu i PD-së, Sali Berisha, nga Brukseli ka komentuar raportin e Komisionit të Punëve të Jashtme të Parlamentit Europian, ku u shpreh se ky raport damkosi regjimin e Ramës, si një regjim në të cilin ndërhyhet politikisht fuqishëm në sistemin e drejtësisë.

Sipas Berishës, ky raport denoncoi me qartësinë më të madhe farsën elektorale të 11 majit 2025.

Lideri i opozitës deklaroi se raporti citon hyrjen e raportit të përbashkët të OSBE-ODIHR, Parlamentit Europian, Këshillit të Europës dhe Asamblesë Parlamentare të BE-së, ku në rreshtat e parë thekson se qeveria përdori burime të gjera për të ndërhyrë në zgjedhje.

Berisha tha se shteti ligjor i shndërroi zgjedhjet në një farsë elektorale.

"Mendoj se raporti që sapo u miratua në Komisionin e Jashtëm të Parlamentit Europian damkosi në mënyrë të qartë si kristali regjimin e Edi Ramës, si një regjim që nuk respekton shtetin ligjor, si një regjim që shkelmon të drejtat themelore, të drejtën e informimit, lirinë e shprehjes dhe të drejtën e pronës.

Në raport damkoset regjimi i Edi Ramës si një regjim në të cilin ndërhyhet politikisht fuqishëm në sistemin e drejtësisë. U shpreh shqetësimi i madh për stokun e madh të dosjeve, çka nënkupton mungesë procesi ligjor të drejtë për qytetarët shqiptarë.

Ky raport denoncoi me qartësinë më të madhe farsën elektorale të 11 majit 2025 pasi e vërteta është se raporti citon hyrjen e raportit të përbashkët të OSBE/ODIHR, Parlamentit Europian, Këshillit të Europës dhe Asamblesë Parlamentare të OSBE-së, në të cilin që në rreshtat e parë thuhet se qeveria përdori burime të gjera për të dominuar në zgjedhje. Pra, faktikisht ajo do të thotë se qeveria, se shteti ligjor i shndërroi zgjedhjet në një farsë elektorale.

Raporti gjithashtu denoncon Olta Xhaçkën dhe Edi Ramën, jo me emra, por i denoncon në aferën e tyre. Denoncon parlamentin për moszbatimin e vendimit të Gjykatës Kushtetuese, konkretisht për Xhaçkën dhe Vullnet Sinën.

Raporti e merr këtë si një shprehje të asgjësimit të shtetit ligjor dhe përqendrimit të të gjitha pushteteve në një dorë.

Raporti indirekt dënon ligjin e investimeve strategjike, pra ministret dhe ministrat që kanë përfituar nga ky ligj për të plaçkitur pronat e shqiptarëve.

Raporti mbështet fuqishëm kërkesat e pronarëve shqiptarë.

Ky raport në të vërtetë me gjithë përpjekjet e jashtëzakonshme që ka bërë Edi Rama, sot mund të themi se kjo ishte Vaterloja", tha Berisha./ CNA





Lajmet e fundit nga