web counter
LEXO PA REKLAMA!

SHKARKO APP

App Store
Google Play

E fundit!

x

Nuk e votuan për të marrë mandat deputeti/ Lapaj: Procesi zgjedhor më 11 maj ka qenë i manipuluar

3 Qershor 2025, 16:10, Politikë CNA

Nuk e votuan për të marrë mandat deputeti/ Lapaj: Procesi

Adriatik Lapaj, që garoi në zgjedhjet parlamentare të 11 majit, por nuk arriti të marrë mandat deputeti në legjislaturën e re, u përgjigj sot duke thënë se procesi zgjedhor më 11 maj ka qenë i manipuluar. I ftuar në një studio televizive, Lapaj e justifikoi humbjen e tij duke u shprehur se zgjedhjet do të ishin të fituara vetëm nëse do të ishte çarë sistemi.

Në fund, Lapaj shprehu edhe një kërkesë ndaj qytetarëve, që të ndryshojnë sistemin zgjedhor, se ndoshta kështu ka shpresë për të dhe partinë e tij, që nga zgjedhjet e 11 majit mori vetëm një mandat. 

“Zgjedhjet nuk ishin fitore. Fitore do ishte nëse do ishte çarë sistemi. Fitore do ishte nëse do shkonim në zgjedhje të parakohshme. Ne kemi kërkuar rinumërim të çdo kutie dhe verifikim të vulave. Hapën një kuti në Vlorë, sa për të na hedhur hi syve. Procesi dyshojmë se ka qenë i manipuluar. Ne duam t’i shkojmë ligjit deri në fund. Ligji thotë se fletët duhet të shikohen në kamera në të dyja anët. Janë bërë abuzime në Vlorë e në Fier. Ne kemi dalë të tretët nga gjitha partitë. Ne kemi bërë fushatë edhe në qarqe, ku e kishim të vështirë si në Dibër, Kukës etj., dhe e kemi bërë këtë, për të thënë se sistemi zgjedhor nuk është i drejtë. Ne fituam një mandat me 64 mijë vota, ndërsa PS në Vlorë ka fituar një mandat me 7 mijë vota. PS ka marrë 10 mandate plus nga formula e ky është gabim fatal i PD-së, e duhet të kërkojnë falje dhe duhet një bashkim opozitar, që të ndryshohet sistemi zgjedhor. Qeveria ka me vete biznesin, ka krimin, administratën e shtetit. Populli shqiptar duhet të kërkojë ndryshimin e sistemit zgjedhor”, tha Lapaj./CNA





Lajmet e fundit nga