web counter
LEXO PA REKLAMA!

SHKARKO APP

App Store
Google Play

Me firmën e Celibashit/ KQZ i kthen përgjigje PD-së për fletëvotimet e pavlefshme

3 Qershor 2025, 15:50, Politikë CNA

Me firmën e Celibashit/ KQZ i kthen përgjigje PD-së për

Komisioni Qendror i Zgjedhjeve i është përgjigjur zyrtarisht Partisë Demokratike lidhur me kërkesën e depozituar prej PD-së për verifikimin e fletëvotimeve të papërdorura në zgjedhjet parlamentare të 11 majit 2025.

Në përgjigjen e KQZ-së theksohet se ka 99,455 fletë votimi të papërdorura që u përkasin 233 qendrave të votimit, të cilat gabimisht janë raportuar si “0” në procesverbalet përkatëse dhe pjesa tjetër e tyre është shpallur e pavlefshme pasi janë dërguar në qendra ku kryhet votim elektronik, janë të raportuara gabimisht si të përdorura ose kanë pasaktësi.

Përgjigja e KQZ-së ndaj PD-së:

I nderuar Z. Nuri

Në përgjigje të kërkesës tuaj lidhur me verifikim të menjëhershëm të fletëve të votimit të përdorura për zgjedhjet e datës 11 Maj 2025, ju informojmë se :

Numri prej 1,935,328 fletë votimi të papërdorura përfshin vetëm sasinë e raportuar të këtyre fletëve sipas procesverbaleve të çdo QV-je.

Këtij numri i duhen shtuar edhe:

27,340 fletët e votimit për 74 QV, ku ështe aplikuar votimi elektronik, ZAZ Nr.27 (Bashkia Vorë) dhe ZAZ Nr. 41 (Njësia Administrative 10, Tiranë). Sikurse mund të kuptohet edhe këto fletë votimi nuk janë përdorur;

99,455 fletë votimi të papërdorura që përbëjnë sasinë e këtyre fletëve për 233 QV, në procesverbalet e të cilave gabimisht është shënuar me “0” numri i fletëve të papërdorura;

5,369 janë fletë votimi të papërdorura por që numrat e tyre në test llogjik vlerësohet se janë pasqyruar me gabime në procesverbalet përkatëse për çdo QV (janë 1,380 QV që kanë raportuar këto të dhëna me gabime).

Duke ju falenderuar për bashkëpunimin

Komisioneri Shtetëror i Zgjedhjeve

Ilirjan CELIBASHI

/CNA 





Lajmet e fundit nga