web counter
LEXO PA REKLAMA!

SHKARKO APP

E fundit!

x

BE alokon fond prej 50 milionë eurosh për energjinë e rinovueshme në Shqipëri

2 Qershor 2025, 16:31, Politikë CNA

BE alokon fond prej 50 milionë eurosh për energjinë e rinovueshme

Qeveria ka miratuar në parim një marrëveshje financimi me Komisionin Europian në fushën e energjisë së rinovueshme, që parashikohet të arrijë shifrën e 50 milionë eurove, për periudhën 2024-2027.

Granti vjen në kuadër të fazës përgatitore të integrimit dhe ndahet në 4 këste deri në vitin 2027.

Granti i BE-së:

Për 2025 - 15 000 000 Euro

Për 2026 - 18 000 000 Euro

Për 2027 - 13 000 000 Euro

Sipas dokumentit, parashikohet që për vitin 2025 të alokohen 15 milionë euro, ndërsa nëse do i shtohet edhe vlera prej 4 mln euro e parashikuar për vitin që shkoi atëherë financimi shkon në 19 milionë euro.

Për vitin 2026, parashikohet financimi prej 18 milionë eurosh dhe për vitin 2027 financim me 13 milionë euro. 

Bazuar në dokument, objektivat e ndjekura nga plani shumëvjeçar i veprimit do të avancojnë axhendën e gjelbër në Shqipëri dhe do të forcojnë përpjekjet për mbrojtjen e mjedisit, duke kontribuar në zbutjen e ndryshimeve klimatike, duke rritur elasticitetin dhe duke lehtësuar kalimin në një ekonomi me karbon të ulët./CNA

 

 

 

 

 

 

 

 

 





Lajmet e fundit nga