web counter
LEXO PA REKLAMA!

SHKARKO APP

App Store
Google Play

E fundit!

x

“Nuk mund të bëjmë ligje false për dekor”/ Deputeti i PD-së: Me Ramën Shqipëria do të kthehet në arenë betejash

2 Qershor 2025, 11:24, Politikë CNA

“Nuk mund të bëjmë ligje false për dekor”/

Deputeti ende në detyrë, Asllan Dogjani, në Komisionin e Ligjeve ka folur për zgjedhjet duke thënë se PD u përball me një situatë të rëndë kriminale.

Dogjani theksoi se demokracia në Shqipëri ka marrë fund dhe është instaluar diktatura.

Deputeti nënvizoi se me Edi Ramën Shqipëria do të kthehet në arenë betejash ndaj dhe u bëri thirrje edhe socialistëve të reflektojnë dhe të bëjnë gjithçka që të krijohet qeveria teknike dhe të zhvillohen zgjedhje të lira në vend.

“Në një vend që nuk sigurojmë zgjedhje të lira dhe të ndershme në një vend që nuk sigurojmë që qytetarët të votojnë të lirë, nuk mund të bëjmë ligje false sa për dekor. Në Shqipëri demokracia ka marrë fund, është instaluar diktatura. Në këto zgjedhje në të cilat ne jemi dëshmitarë u përballëm me një situatë të rëndë kriminale.

Më shumë foli krimi, paratë e dorgës dhe frika ishte mjeti më i efektshëm për këto zgjedhje. Këto fitore që e keni bërë më keq se në ‘96 është rrezik i madh për demokracinë. Gjatë numërimit të votave u bë manipulim. Shqipëria me Edi Ramën do të kthehet shumë shpejt një arenë betejash mes kombesh dhe shqiptarëve. U bëj thirrje dhe socialistëve të reflektojmë dhe të bëjmë gjithçka që të shkojmë në qeveri teknike. Është e vetmja zgjidhje”, tha Dogjani.

Nga ana tjetër, Enkelejd Alibeaj, i cili po ashtu nuk mundi të marrë mandat, së bashku me koalicionin e tij Djathtas për Zhvillim, tha se të paktën 10 deputetë në mbledhje nuk do të jenë më në shtator përfshirë kryetaren e komisionit Klotilda Bushka. Ai shtoi se nuk duhet të vijojnë punimet pasi sovrani ka folur dhe ata nuk përfaqësojnë popullin shqiptar, për sa kohë nuk janë rizgjedhur./ CNA





Lajmet e fundit nga