web counter
LEXO PA REKLAMA!

SHKARKO APP

App Store
Google Play

E fundit!

x

“Irena me 5 mbiemra mbrohet nga Altini, Ulsiu dhe Olsi”/ Berisha, akuza të forta

2 Qershor 2025, 10:45, Politikë CNA

“Irena me 5 mbiemra mbrohet nga Altini, Ulsiu dhe Olsi”/ Berisha,

Kreu i PD-së, Sali Berisha, ka deklaruar pas daljes nga SPAK-u se Irena Gjoka po mbrohet nga kreu i SPAK-ut, Altin Dumani, nga ministri Ulsi Manja, dhe kryeprokurori Olsian Çela.

Sipas Berishës, nuk guxojnë t’i tregojnë vendin Irena Gjokës për shkak të shërbimeve që kjo e fundit u ka kryer.

“Tani, Irena me 5 mbiemra prej 15 muajsh mbrohet nga Altin Troplini, nga Olsi Çela, edhe ky me ca probleme, dhe Ulsiu, i cili fut dokumentet në çantën Louis Vuitton, aty ku ka futur edhe 500 mijë eurot që ka kërkuar si ryshfet.

Prej 15 muajsh Irena tallet me ta, i poshtëron, tregon se këta nuk kanë asgjë të përbashkët me një zyrtar dhe nuk guxojnë për shkak të keqpërdorimit të saj dhe shërbimeve që u ka kryer, t’u tregojë vendin.

Të dhënat e fundit janë këto, KLGJ, që duhej të vepronte brenda 15 ditëve në bazë të vulës apostile që ka në dorë, përpiqet ta transferojë te prokurori i përgjithshëm, kurse ky i fundit tek Ulsiu.

Ulsi, që bën kërkesa të drejtuara në mënyrë të atillë që të fshihet krimi i Irenës me 5 mbiemra.

Pra, kjo është e vërteta e zyrave të narkoshtetit.

Sado që të përpiqet kush të fshehë fytyrën e narkoshtetit, me asgjë nuk mund ta fshehë.

Dëgjoni zotërinj, një gjykatës që drejtoi Gjykatën Kushtetuese, nga Altin Dumani u fut një vit në burg, bashkë me këtë Irenën, sepse pagoi për disa vite, ujin dhe dritat e apartamentit të vëllait të vet që e ka në emigracion.

Dhe pagesat që ka bërë Bashkim Dedja, janë konsideruar si dëshmi se apartamenti është i tij.

Pra, kjo është e vërteta.

Ky është karakteri amoral i kësaj bande, që meriton dhe do përballet një ditë me ligjin në mënyrë të pashmangshme”, është shprehur Berisha./ CNA





Lajmet e fundit nga