web counter
LEXO PA REKLAMA!

SHKARKO APP

App Store
Google Play

E fundit!

x

Latifi nga Anglia “pushkaton” Veliajn

31 Maj 2025, 18:34, Politikë CNA
Latifi nga Anglia “pushkaton” Veliajn
Erion Veliaj, burimi i fotos: LSA

"Latifi" i Veliajt nga Anglia, ish-këshilltari i Tony Blair, Alastair Campbell në hapësirën e vënë në dispozicion nga Mero Baze, njeriu i rilindjes i pasuruar nga pushteti, në një opinion të tijin ka deklaruar se:

“Sipas SPAK-ut, ai ka drejtuar një skemë të ndërlikuar ryshfeti dhe pastrimi parash përmes një rrjeti OJF-sh dhe kompanish të kontrolluara nga gruaja dhe vëllai i tij. Nëse është e vërtetë, është një skandal dhe ai meriton të ndëshkohet”.

Latifi nga Anglia “pushkaton” Veliajn
Opinioni i Alastair Campbell

Me këto fjalë, "Latifi" nga Anglia ka “pushkatuar” Erion Veliajn, kryebashkiakun e arrestuar fillimisht për dy vepra shumë të rënda penale për korrupsion dhe pastrim të produkteve të veprës penale dhe më pas SPAK i ka shtuar dhe dy akuza të reja, pasi duhet theksuar se hetimet ndaj Erion Veliajt vazhdojnë.

E para është e vërtetë apo jo që Veliaj ka drejtuar një skemë të ndërlikuar ryshfeti dhe pastrimi parash përmes ojf-ve dhe kompanive të kontrolluara nga gruaja dhe vëllai i tij, nuk e vendos as Alastair Campbell, as Veliaj dhe as Mero Baze, këtë e vendos drejtësia.

Ligjërisht Erion Veliaj mbahet në burg me tre vendime të gjykatës dhe ndërkohë hetimet ndaj tij vazhdojnë.

Deri më tani ndaj Veliajt ka katër akuza. Akuza e “Korrupsionit aktiv dhe pasiv i të zgjedhurve vendorë”, “Pastrimi i produkteve të veprës penale”, “Futjen e sendeve të ndaluara në qelitë e paraburgimit”, “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.

Së fundi prokuroria ka bërë veprime. Vetëm pak ditë më parë prokurorët treguan se si kishin ecur hetimet deri në atë moment dhe njoftuan edhe një akuzë të re. Sekuestruan edhe pasuri burimi i të cilave ishte i dyshimtë dhe i padeklaruar nga Erion Veliaj. (LEXO KETU)

Akuza e re që iu shtua kryebashkiakut është “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.

Për ata që duan që Veliaj të ndiqet i lirë në këto momente duhet të kuptojnë se duhet të mbanin qëndrimin politik kur ka ndodhur Reforma në Drejtësi, kur janë bërë kodet e procedurës penale etj sepse ligjërisht Erion Veliaj duhet të mbahet në burg se po zhvillohen hetime ndaj tij dhe jashtë ai do të prishte provat siç dhe është kapur nga SPAK.

Ndaj dhe Latifi i Veliajt duke dashur të vërë vetulla ka nxjerrë sytë duke na thënë se duhet të ndëshkohet.

Patjetër që drejtësia duhet të ndëshkojë të korruptuarit dhe Erion Veliaj është njeriu të cilit i janë gjetur me dhjetëra qindra fakte dhe prova të cilat tregojnë se kush është ai në të vërtetë./ CNA

 





Lajmet e fundit nga