web counter
LEXO PA REKLAMA!

SHKARKO APP

App Store
Google Play

Kush dhe sa po e paguan Alastair Campbell-in, “Latifin” e Veliajt?

30 Maj 2025, 11:44, Denoncim CNA
Kush dhe sa po e paguan Alastair Campbell-in, “Latifin” e Veliajt?
Alastair Campbell dhe Erion Veliaj

Alastair Campbell, i cili njihet si ish-këshilltari i Tony Blair, ka filluar të shkruajë në mediat e pushtetit, një herë në tri ditë, kemi shënime, shkrime, i shqetësuar shumë se Erion Veliaj ndodhet në burg dhe nuk lejohet të kryejë detyrën e tij, ka të njëjtën fjali që thotë kryebashkiaku i Tiranës, fjali këto që nuk diskutohet që janë me pagesë. (LEXO KETU)

Alastair Campbell-in për herë të parë e kemi njohur nga kryeministri Rama. Me ardhjen e ish-kryeministrit britanik Tony Blair, i cili në fakt është paguar atëherë nga qeveria shqiptare.

Pyetja është e thjeshtë: Po Alastair Campbell, sa paguhet për këto shkrime?

Shkrimet të cilat kanë të njëjtën gjuhë që ka Erion Veliaj, një ish-këshilltar i Tony Blair që tashmë ndoshta nuk është askushi në jetën aktive, por thjesht dhe vetëm është zgjedhur për të bërë publicistikë në Shqipëri duke u paguar ndoshta me thasë me para.

Çështja është se në rastin e Alastair Campbell mund të jemi në dyshime mjaft të arsyeshme se mund të kemi të bëjmë me korrupsion aktiv në sektorin privat.

Pra, që persona të akuzuar e kanë paguar për interesa okulte Alastair Campbell-in.

Domethënë, Erion Veliaj, vëllai i tij, bashkëshortja, kushdo që është përfshirë, kjo duhet parë dhe SPAK-u këtë duhet të hetojë.

Përveç akuzave që janë shtuar dhe ia kanë bërë mal, Erion Veliajt, SPAK duhet të na tregojë dhe të na zbërthejë kush e paguan këtë Alastair Campbell-in? A është i përfshirë në korrupsion aktiv apo pasiv në sektorin privat, se drejtësia po bën punën e saj.

Erion Veliaj është në burg me disa vendime gjykatash, të cilat thonë se ka disa dyshime të arsyeshme për disa vepra të rënda penale që është korrupsioni aktiv dhe pasiv, pastrimi i produkteve të veprës penale, mosdeklarimi i pasurisë etj.

Tani Alastair Campbell merr ca lekë, po sa është shuma dhe kush e paguan?

SPAK duhet ta hetojë se Erion Veliaj nuk është në burg për sport, por sepse po prishte provat dhe kjo është e zbuluar nga SPAK-u.

CNA ka zbuluar dhe përgjimet se ç’bënte nga burgu Erion Veliaj dhe meqenëse Alastair Campbell është shqetësuar ai duhet të marrë dhe të lexojë njëherë vendimet e gjykatave dhe të mos na thotë se është vetëm me urdhra prokurorësh, të mos gënjejë.

Apo ndoshta ia shkruajnë të tjerët dhe ai vetëm i publikon, mjafton vetëm që merr lekët?!

Kjo është një tjetër punë, por është e turpshme që një këshilltar i Tony Blair të flasë të tilla broçkulla si të jetë Mero Baze që paguhet nga pushteti i Rilindjes megjithëse në median e tij e publikon.

Alastair Campbell duhet të dijë se gjykata ka thënë se ka dyshime të arsyeshme për vepra shumë të rënda penale dhe gjithashtu për t’u dhënë një përgjigje shqiptarëve, por dhe këtij njeriu të paguar, se me cilat fonde, ku, nga dhe sa janë nuk i dimë, duhet të presim drejtësinë të vendosë, pra është gjykata.

Akuzat Erion Veliaj i ka mal. Dhe Ilir meta qëndroi jo pak, por 7 muaj burg dhe javën e fundit iu njoftua akuza, pasi ka procedura ligjore të cilat i mirërregullojnë rastet kur hyn në burg, kur del nga burgu, si hetohesh, kur njoftohet akuza etj.

Para pak javësh kishim një seancë në gjykatë kur prokurorët Altin Dumani dhe Ols Dado treguan se si kishin ecur hetimet deri në atë moment dhe njoftuan edhe një akuzë të re. Sekuestruan edhe pasuri burimi i të cilave ishte i dyshimtë dhe i padeklaruar nga Erion Veliaj. (LEXO KETU)

Ndaj dhe drejtësia duhet të bëjë punën e saj, duhet të rrijë pa presionet e Alastair Campbell me urdhra, të cilët vijnë nga burgu i Durrësit, që bëhen tashmë para shpalljes së datës dhe vendimit të Gjykatës së Lartë./ CNA

 





Lajmet e fundit nga