web counter
LEXO PA REKLAMA!

SHKARKO APP

App Store
Google Play

E fundit!

x

11 maji/ Berisha: Internacionalja Demokrate e Qendrës denoncon botërisht farsën elektorale

31 Maj 2025, 12:25, Politikë CNA

11 maji/ Berisha: Internacionalja Demokrate e Qendrës denoncon

Kryetari i Partisë Demokratike, Sali Berisha, ka zhvilluar ditën e sotme një konferencë me gazetarët, në të cilën ka folur për zgjedhjet e 11 majit, të cilat i quan farsë elektorale.

Berisha tha se Internacionalja Demokrate e Qendrës dy ditët e fundit ka miratuar rezolutën për farsën elektorale në Shqipëri.

Kryedemokrati u shpreh se Internacionalja Demokrate e Qendrës ka denoncuar atë që ndodhi më 11 maj në Shqipëri, denoncim i cili mbështetet në raportin paraprak të OSBE/ODIHR.

Berisha tha më tej se për denoncimin e bërë Internacionalja Demokrate është ndihmuar me materialet e paraqitura në konferencë nga Albana Vokshi dhe Belind Këlliçi.

“Farsa elektorale më 11 maj 2025 në Shqipëri mori një ndëshkim madhor ndërkombëtar nga organizata politike më e madhe në botë e partive të qendrës dhe qendrës së djathtë, Internacionalja Demokrate e Qendrës, e cila grupon së bashku 108 parti politike nga të gjitha kontinentet dhe që ka sesion të saj në kontinentin europian, Partinë Popullore Europiane dhe partitë anëtare të saj.

Kjo organizatë botërore, në konferencën e asamblesë të përgjithshme të saj, të mbledhur dy ditët e fundit në Abixhan, kryeqytetin e Bregut të Fildishtë, miratoi me unanimitet të plotë, pa asnjë kundërshtim, rezolutën për farsën elektorale të 11 majit në Shqipëri.

Në këtë rezolutë, Internacionalja Demokrate e Qendrës denoncon botërisht atë që ndodhi me 11 maj në farsën e vendit tonë.

Në denoncimin e saj, ajo bazohet mbi të gjitha në raportin paraprak të vëzhguesve të OSBE/ODIHR, Asamblesë Parlamentare të OSBE-së, Parlamentit Europian dhe Asamblesë Parlamentare të Këshillit të Europës.

Natyrisht ajo është ndihmuar edhe me materialet e paraqitura nga përfaqësuesit e PD-së në konferencën e kësaj organizate, që janë zonja Albana Vokshi dhe zoti Belind Këlliçi”, tha Berisha./ CNA





Lajmet e fundit nga