web counter
LEXO PA REKLAMA!

SHKARKO APP

App Store
Google Play

E fundit!

x

Pas 11 majit arrijnë dakordësinë me PS-në/ PSD i jep fund bojkotit të mbledhjeve në Këshillin Bashkiak

30 Maj 2025, 13:21, Politikë CNA

Pas 11 majit arrijnë dakordësinë me PS-në/ PSD i jep fund

Pas zgjedhjeve të 11 majit, Këshilli Bashkiak i Shkodrës ka gjetur dakordësinë dhe me shumicë votash kanë kaluar rendin e ditës. PSD mbylli bojkotin dhe i dha dritën jeshile bashkëpunimit, mes të cilave më e rëndësishmja ishte dhënia e së drejtës dhe caktimi i përgjegjësisë së menaxhimit, administrimit dhe mirëmbajtjes së plazheve publike të menaxhueshme për shoqërinë aksionere në pronësi të Bashkisë Shkodër.

Anëtarja e PSD-së, Rezarta Pode, tha se PSD do të jetë në mbështetje të PS-së.

"PSD ka qenë, është dhe do të jetë përherë në mbështetje të Partisë Socialiste. Edhe pse në fushatën e 11 majit Partia Social-Demokrate garoi e vetme me siglën e saj, vazhdimësia duhet të jetë e përbashkët. Theksojmë se çdo projektvendim i mirë për Shkodrën do të marrë mbështetjen tonë. Gjithashtu edhe në zgjedhjet vendore 2027, ne do të jemi në mbështetje të PS-së dhe zhvillimit të vendit tonë", tha Rezarta Pode, anëtare e PSD, Këshillit Bashkiak Shkodër

Më pas këshilltarët kaluan një shtesë në buxhetin e vitit 2025, planin për parandalimin dhe shuarjen e zjarreve në fondin pyjor/kullosor në Bashkinë Shkodër për vitin 2025, planin e përbashkët të menaxhimit të rrezikut nga zjarri, miratimin e tavaneve përgatitore të shpenzimeve të Programit Buxhetor Afatmesëm 2026-2028 për Bashkinë Shkodër, miratimin e memorandumit të bashkëpunimit, mbështetje për zhvillim 2023-2024, projekti “Bashki të forta”- Bashkia Shkodër etj./ CNA





Lajmet e fundit nga