web counter
LEXO PA REKLAMA!

SHKARKO APP

App Store
Google Play

“Farsat nuk fitohen nga opozita”/ Berisha: Përpiqemi me të gjitha mjetet për qeverinë teknike

29 Maj 2025, 21:21, Politikë CNA

“Farsat nuk fitohen nga opozita”/ Berisha: Përpiqemi me të

Kreu i Partisë Demokratike, Sali Berisha tha sot opozita ishte para dy rrugëve ndaj farsës elektorale, ndërmjet mosbindjes civile dhe qëllimit për qeveri teknike. Në emisionin ‘Debat’ me gazetaren Alba Alishani në A2CNN, Berisha u shpreh se PD-ja do të ndekë rrugën e dytë, për shqiptarët që votën e konsiderojnë nder.

Sipas Berishës, farsat elektorale kanë ekzistuar edhe më parë.

Beirisha rishprehu qëndimin e opozitës se zgjedhjet e 11 majit janë një farsë elektorale që nuk mund të fitohen nga opozita, pasi janë gjithnjë në favor të narkodiktatorit.

“Zgjedhjet në Shqipëri janë farsë dhe unë nuk jam naiv. Farsa nuk fitohet nga opozita. Ato shkojnë gjithnjë duke u trashur në favor të narkodiktatorit. Farsat e kanë këtë gjë. Por tani, njeriu para një farse ka dy rrugë dhe duhet të mendosh strategjinë. Ose do të ndjekësh rrugën e forcës, me mosbindje civile ose do të përpiqesh me të gjitha mjetet të arrish një qëllim të shkosh drejt një qeveri teknike. Koha qe shumë e ngushtë për disa arsye. Tani do ndjekim këtë rrugë. Se është e vërtetë se farsat kanë qenë. Unë kam shkruar artikuj për këtë edhe në vitin 2021. Rama ka dhënë 28 mijë hektarë për kanabis, pavarësisht ligjit. Kanë fitim të madh, por ekonominë e shkatërrojnë. Jemi këtu për ata shqiptarë që votën e konsiderojnë nder dhe e konsiderojnë si rrugën e vetme qeverinë teknike”,-tha Berisha./CNA





Lajmet e fundit nga