web counter
LEXO PA REKLAMA!

SHKARKO APP

App Store
Google Play

E fundit!

x

“11 maji ishte një zhgënjim”/ Muçollari: Rama dhe PS-ja përdorën asetet publike

29 Maj 2025, 18:18, Politikë CNA

“11 maji ishte një zhgënjim”/ Muçollari: Rama dhe

Kandidati i PD-së për Tiranën, Grigels Muçollari komentoi sot rezultatin e zgjedhjeve të 11 majit. I ftuar në ‘Syri Tv’, Muçollari u shpreh se procesi ishte një operacion i mirëmenduar prej kohësh dhe e cilësoi si një moment zhgënjues.

Muçollari akuzoi se shteti u vu në funksion të Partisë Socialiste, për tu përdorur në mënyrë të kundraligjshme për të marrë votën.

Më tej, shtoi se 11 maji ishte një moment ku dita e zgjedhjeve ishte e lidhur me një kontratë mes krimit të organizuar dhe qeverisë.

“11 maji në komentin tim ishte një moment zhgënjyes,por jo befasues. Për të gjithë ne që kishim folur se diçka po ndodh dhe përpjekjet e pushtetit për të manipuluar të drejtën për të zgjedhur. Ose më saktë, ndaluar të drejtën e gjykimit të qytetarëve. Kështu që ishte një operacion i mirëmenduar prej kohësh, ishte një moment që unë personalisht nuk e prisja të ishte kaq i fortë, kaq total, kaq uzurpues. Mendoja që do kishte momente drite, por mesa duket aparati shtetëror ka funksionuar...mbase doli jashtë kontrollit, nuk di ta them këtë pjesë.

Mbase në një moment të caktuar, fryma opozitare i krijoi një moment paniku dhe u munduan ta kontrollonin akoma më shumë. Por jam i bindur që përpara 11 Majit, ishin kujdesur që ndryshimi të mos ndodhte dhe ndryshimi ishte i ndaluar. Nuk ekzistonte asnjë mënyrë sesi mund të ndodhte ndryshimi, pavarësisht një programi të Partisë demokratike që kish në fokus fytyrën, përmbajtjen dhe lëndën e qytetarit.

Kështu që, në këtë aspekt, pas 11 majit me pak gjakftohtësi e shoh përdorimin e një shteti të tërë, të një ingranazhi të tërë shtetëror, i cili ishte vënë nën funksion të Partisë Socialiste. Por jo vetëm kaq, sepse përtej sesi ne i pamë shumë mirë sesi u përdorën të gjitha asetet publike, të gjitha mundësitë publike që ty t’i kishte dhënë sovrani, për ti përdorur në mënyrë të kundraligjshme për të marrë votën.

Përtej kësaj, pamë dhe asetet jopublike, që ishin bandat kriminale. Është një dështim shumë i madh i shoqërisë. Si gjithmonë, morën anonimatin e radhës. Siç janë rastet e Durrësit, Elbasanit etj. Sot përfaqësohen prapë në Parlament. Ajo dita ku ne kemi folur shpeshherë që të arrijmë një ditë, ku dita e zgjedhjeve të jetë një festë e demokracisë, ne prapë shkuan në një ditë, ku dita e zgjedhjeve është një ditë ku është lidhur një kontratë mes Krimit të organizuar dhe qeverisë”,-tha Muçollari./CNA





Lajmet e fundit nga