web counter
LEXO PA REKLAMA!

SHKARKO APP

App Store
Google Play

E fundit!

x

Punime deri në korrik/ Vijon veprimtaria e Kuvendit edhe me shqyrtime raportesh me Dumanin

28 Maj 2025, 18:34, Politikë CNA

Punime deri në korrik/ Vijon veprimtaria e Kuvendit edhe me shqyrtime

Pas dy muajsh ndërprerje, Kuvendi i Shqipërisë do të rifillojë punimet me një seancë plenare që do mbahet këtë të enjte, më 29 maj, ora 12:00. Seancat parlamentare të legjislaturës aktuale do të vijojnë deri më datë 8 korrik. 

Veprimtaria e Kuvendit do të vijoj edhe për pesë javë të tjera, kohë gjatë së cilës për të mbyllur punët e lëna pas, deri më datë 8 korrik kur do të përfundojë puna e legjislaturës aktuale.

Mësohet se veç projektligjeve të mbartura apo akteve normative, pjesë e rëndësishme e shqyrtimit do të jenë edhe raportet vjetore të institucioneve të pavarura. Shqyrtimi i këtyre raporteve do të sjellë një diskutim mes deputetëve të Kuvendit të Shqipërisë dhe kreut të SPAK, Altin Dumani.

Raporti i SPAK konsiderohet si një prej raporteve më të rëndësishme mes shumë raporteve nga institucionet, që do të shqyrtohen gjatë 5 javëve të fundit të veprimtarisë së Kuvendit.

Shqyrtimi i këtyre raporteve është një punë që duhet të kishte nisur në muajin prill, por kjo nuk ndodhi për arsye të zhvillimit të fuhatës për zgjedhjet parlamentare të 11 majit./CNA





Lajmet e fundit nga