web counter
LEXO PA REKLAMA!

SHKARKO APP

App Store
Google Play

Meta gati të hapë thesin dhe të shesë “shokët”

27 Maj 2025, 19:37, Politikë CNA
Meta gati të hapë thesin dhe të shesë
Ilir Meta

Pasditen e sotme, avokati i kreut të Partisë së Lirisë, Ilir Meta, Kujtim Cakrani hodhi akuza pas daljes nga SPAK duke deklaruar se zyrtarë dhe ish-zyrtarë të LSI duhet të ishin marrë të pandehur dhe duhet të ishin në vend të Metës.

Cakrani theksoi se Ilir Meta nuk ka qenë i vetëm në Lëvizjen Socialiste për Integrim, gjatë kohës për të cilën akuzohet për lobim të mijëra dollarëve në SHBA, duke paralajmëruar se më vonë do të bëhen publikë dhe emrat.

“Po si thoni ju, zoti Meta ka qenë vetëm në atë parti? Ka pasur grup parlamentar, ka pasur deputetët, ka pasur ministra, pra një Kryesi, funksionarë të lartë në atë parti, të cilët kanë përgjegjësi direkte përsa i përket lobimeve, njohjeve, pagesave. Kjo është një çështje e montuar.

Janë të tjerë persona që mbajnë përgjegjësi dhe për lobimet, dhe kanë firmosur dhe kanë njohje në SHBA. Emrat do dalin, dhe pasi ju të lëxoni dhe dosjet. Kjo çështje do zgjasë, do thirren të gjithë ata persona që kanë firmosur. Ky do jetë procesi i shekullit”, tha Cakrani.

Pas kësaj deklarate të Cakranit ngrihen dyshime që të çojnë te Vangjel Tavo.

Tavo ka braktisur LSI dhe më pas është bërë prefekt i Vlorës si përfaqësues i PS-së, për të kandiduar më pas si kryebashkiak në Himarë, post të cilin e mori nga socialistët.

Një nga personat që Ilir Meta dhe LSI kanë akuzuar për lobimin në SHBA është Vangjel Tavo.

Si rrjedhojë kanë dalë dyshimet se në kalimin e tij te socialistët ka bërë nxjerrjen e dokumenteve që më pas kanë çuar në kallëzimin e Metës në SPAK nga njerëzit e Edi Ramës./ CNA

 





Lajmet e fundit nga