web counter
LEXO PA REKLAMA!

SHKARKO APP

App Store
Google Play

Berisha: Ka vetëm një rrugë, largimi i Edi Ramës, qeveri teknike dhe përsëritja e zgjedhjeve

27 Maj 2025, 12:27, Politikë CNA

Berisha: Ka vetëm një rrugë, largimi i Edi Ramës, qeveri

Kreu i Partisë Demokratike, Sali Berisha, deklaroi sot se e vetmja rrugë kundër farsës elektorale është largimi i Edi Ramës, qeveria teknike dhe përsëritja e zgjedhjeve. Në fjalën e tij gjatë një konference për mediat, Berisha tha se nuk ka alternativë tjetër që shpëton shqiptarët nga farsa elektorale e instaluar në Shqipëri.

Berisha akuzoi kryeministrin Edi Rama se e ka futur vendin në një fazë të re si kurrë më parë në 32 vite.

“Për sa u përket etiketave që përdori Edi Rama, unë i them kaq, që e ka futur vendin në një fazë të re si kurrë më parë në 32 vite. Dhe e garantoj se mijëra, mijëra shqiptarë, që e kanë tashmë të qartë se kanë tek Edi Rama armikun e betuar të votës së lirë, nuk do t'ia falin atij kurrë këtë farsë elektorale. Sikundër shpreh bindjen dhe besimin tim se raporti i komunitetit ndërkombëtar, kundër të cilit Edi Rama po paguan shuma të jashtëzakonshme për ta ndryshuar, telefonata të pafundme, por nuk do t’ia arrijë. Raporti do të jetë pasqyra më e vërtetë e kësaj farse, për të cilën edhe njëherë, fjalën do ta kenë shqiptarët. Ka vetëm një rrugë, largimin e Edi Ramës, qeveri teknike dhe përsëritjen e zgjedhjeve. Asnjë alternativë tjetër nuk shpëton shqiptarët nga farsa elektorale e instaluar në Shqipëri",-tha Berisha./CNA 





Lajmet e fundit nga