web counter
LEXO PA REKLAMA!

SHKARKO APP

App Store
Google Play

E fundit!

x

Avokati flet me gjuhën e Metës/ Në sulm ndaj institucioneve të drejtësisë

27 Maj 2025, 16:44, Politikë CNA

Avokati flet me gjuhën e Metës/ Në sulm ndaj institucioneve

Avokati Kujtim Cakrani ka folur me gjuhën e Ilir Metës pasi këtij të fundit iu komunikuan akuzat për korrupsion pasiv, pastrim i produkteve të veprës penale dhe fshehje e pasurisë. 

Cakrani në një deklaratë për mediat është shprehur se procesi ndaj Metës do të jetë procesi i shekullit si dhe sulmoi institucionet e drejtësisë.

“Persona të cilët duhet të ishin të pandehur duhet të ishin dëshmitarët. Shumë persona të tjerë duhet të ishin të pandehur, sot janë të lirë dhe ushtrojnë funksione publike, emrat do i bëjmë publikë më vonë.

Z.Meta nuk ka çfarë shpjegimesh të japë, i ka dhënë para se të arrestohej.

Po si thoni ju, zoti Meta ka qenë vetëm në atë parti? Ka pasur grup parlamentar, ka pasur deputetët, ka pasur ministra, pra një Kryesi, funksionarë të lartë në atë parti, të cilët kanë përgjegjësi direkte përsa i përket lobimeve, njohjeve, pagesave. Kjo është një çështje e montuar.

Janë të tjerë persona që mbajnë përgjegjësi dhe për lobimet, dhe kanë firmosur dhe kanë njohje në SHBA. Emrat do dalin, dhe pasi ju të lëxoni dhe dosjet. Kjo çështje do zgjasë, do thirren të gjithë ata persona që kanë firmosur. Ky do jetë procesi i shekullit”, tha Cakrani.

Prokuroria e Posaçme mbylli hetimet për kryetarin e PL-së, Ilir Meta, ish-bashkëshorten e tij, Monika Kryemadhi, Piro Xhixhon dhe Ema Çokun në lidhje me dosjen “CEZ-DIA”./ CNA





Lajmet e fundit nga