web counter
LEXO PA REKLAMA!

SHKARKO APP

App Store
Google Play

Komisionerja Kos: Shqipëria ka mundësi reale të anëtarësohet në BE deri në vitin 2030

27 Maj 2025, 16:05, Politikë CNA

Komisionerja Kos: Shqipëria ka mundësi reale të

Komisionerja europiane për Zgjerimin, Marta Kos, dha një intervistë për televizionin gjerman ‘WELT TV’. Kos vuri theksin te procesi i zgjerimit të Bashkimit Europian, ku theksoi se tashmë për Komisionin Europian rajoni dhe procesi përbëjnë përparësi.

Teksa përmendi mbështetjen e BE-së për anëtarësimin e Ukrainës, Kos u pyet edhe për përshpejtimin e anëtarësimit të disa vendeve të Ballkanit Perëndimor, ku u ndal te procesi i secilit prej vendeve të rajonit.

Kos u shpreh se ka mundësi reale që Shqipëria të mbyllë negociatat brenda vitit 2027 dhe të anëtarësohet deri në vitin 2030.

WELT: Duke pasur parasysh zhgënjimin e disa shteteve të Ballkanit Perëndimor në lidhje me këtë afrim relativisht të shpejtë me Ukrainën. Si mendoni të siguroheni që vende si Bosnjë-Hercegovina ose Maqedonia e Veriut të mos ndihen të lëna pas dore?

KOS: Mund ta kuptoj shumë mirë zhgënjimin, pasi edhe unë vij nga kjo zonë. Dhe vetëm për t’ju dhënë një ide, nëse Ukraina do të duhej të priste aq gjatë sa Maqedonia e Veriut, ne do të fillonim negociatat me Ukrainën në vitin 2045. Dhe kjo nuk mund të ndodhë. Kjo vlen edhe për shtetet e Ballkanit Perëndimor. Ato duhet të zbatojnë reformat. Dhe ka një element tjetër të rëndësishëm në të kaluarën. Në vitet e fundit, zgjerimi nuk ka qenë aq i rëndësishëm për Komisionin Europian. Nuk ishte një përparësi. Tani është prioritet. Edhe shtetet anëtare e thonë këtë. Kemi Malin e Zi dhe Shqipërinë, për shembull. Ato po punojnë shumë mirë. Ato po bëjnë reformat. Ato po e kuptojnë procesin e zgjerimit si një transformim të ekonomisë së tyre, duke përfshirë edhe zona të tjera në vend. Dhe, për shembull, nëse gjërat vazhdojnë të shkojnë mirë, ne mund të përfundojmë të gjitha negociatat me Malin e Zi deri në fund të vitit 2026 dhe më pas me Shqipërinë në fund të vitit 2027. Kjo do të thotë se ka mundësi realiste që të dyja vendet të bëhen anëtaret tonat të reja deri në vitin 2030./CNA

 





Lajmet e fundit nga