web counter
LEXO PA REKLAMA!

SHKARKO APP

App Store
Google Play

Sondazhi i demokratëve/ Ja kush mund ta zëvendësojë Berishën

27 Maj 2025, 14:06, Politikë CNA

Sondazhi i demokratëve/ Ja kush mund ta zëvendësojë

Demokrati i famshëm korçar, Ilir Vrenozi, me anë të një videoje "live" në rrjetet e tij sociale, ka bërë një “sondazh” se kush mund të pasojë Berishën në drejtimin e PD-së.

Në video, Vrenozi thotë se dy emrat më të votuar nga audienca e tij janë Ilir Alimehmeti dhe Tomor Alizoti.

Më tej, Vrenozi shprehet se përveç vjedhjes së votave nga kundërshtari, faji për humbjen në zgjedhjet e 11 majit është dhe i demokratëve.

Sa i përket kryetarit të ri të PD-së, korçari i famshëm u shpreh se më e mira e mundshme do të ishte të zgjidhej me Primare të drejta dhe jo si Primaret që janë zhvilluar deri tani.

“Me kë mund të zëvendësohet Berisha? Berisha ka qenë shumë lart. Ai zgjodhi Lulin, ishte i gjatë, i bukur po ku kishte tru ai. Thoni ndonjë emër dhe ta analizojmë si popull. Emri i parë që mund të zëvendësojë Berishën. Ilir Alimehmeti dhe Tomor Alizoti janë më të votuarit këtu në këtë audiencë. Mund të gjejmë një emër jashtë politikës që mund të na bashkojë ne të djathtët?

Salianji i afrohet pak një lideri, me plus-minus. Njeriu që i afrohet sadopak Sali Berishës është Salianji, por ka probleme me drejtësinë. Të bëhej me Primare të drejta, të zgjidhej kryetari. Jo me këto Primaret që na kanë parë sytë ne.

Brenda së djathtës riciklo, rifresko partinë. Për momentin me atë që unë shikoj, më i votuari është doktor Alimehmeti. Berisha e ka në dorë, vetëm Berisha. Përveçse kundërshtari na ka vjedhur është dhe faji ynë, të gjitha strukturat në zero. Në qoftë se bëhet një revolucion brenda në PD, të vihen emrat më të votuar, atëherë dhe njerëzit do reflektojnë. Po vazhduam fajin na e ka Rama, Rama do vazhdojë dhe 400 vite të tjera”, tha Vrenozi./ CNA

 





Lajmet e fundit nga