web counter
LEXO PA REKLAMA!

SHKARKO APP

App Store
Google Play

KAS shqyrton nesër ankimimet e PD-së për zgjedhjet në Berat, Gjirokastër dhe Vlorë

28 Maj 2025, 17:21, Politikë CNA

KAS shqyrton nesër ankimimet e PD-së për zgjedhjet në Berat,

Komisioni i Ankimimeve dhe Sanksioneve do të zhvillojë nesër, e enjte, 29 maj 2025, një seancë publike ku në rendin e ditës është caktuar shqyrtimi i tre kërkesave ankimore të depozituara nga Koalicioni Partia Demokratike-Aleanca për Shqipërinë Madhështore, lidhur me rezultatet e zgjedhjeve parlamentare të 11 majit në Qarkun Berat, Gjirokastër dhe Vlorë.

Në orën 10:00, KAS do të shqyrtojë kërkesën ankimore nr. 38, ku kërkohet pavlefshmëria e zgjedhjeve në qarkun Berat dhe përsëritja e tyre. Ankimuesit kundërshtojnë vendimin e KQZ-së Nr. 1319, datë 22.05.2025, për miratimin e rezultatit përfundimtar në këtë qark.

Në vijim, në orën 12:30, KAS do të trajtojë kërkesën ankimore nr. 40, që ka të njëjtin objekt kundërshtimi për vendimin e KQZ-së Nr. 1318 mbi rezultatin e votimeve në qarkun Gjirokastër. Edhe në këtë rast, PD kërkon pavlefshmërinë e zgjedhjeve dhe përsëritjen e tyre në të gjithë qarkun.

Ndërkohë, në orën 15:00, KAS do të shqyrtojë kërkesën ankimore nr. 39, për zgjedhjet në qarkun Vlorë. Ankimi ka si objekt vendimin Nr. 1316 të KQZ-së, duke kërkuar gjithashtu pavlefshmërinë e procesit dhe zhvillimin e zgjedhjeve të reja./CNA





Lajmet e fundit nga