web counter
LEXO PA REKLAMA!

SHKARKO APP

App Store
Google Play

Kërkoi intervistë/ Duma i përgjigjet Metës: Patjetër që do ta bëjmë

29 Maj 2025, 13:34, Politikë CNA

Kërkoi intervistë/ Duma i përgjigjet Metës: Patjetër

Gazetarja e televizionit të inceneratorëve, Grida Duma, në nisje të emisionit të saj i është përgjigjur Ilir Metës për deklaratën e bërë ditë e djeshme.

Duma tha se nëse janë kushtet sigurisht që do të bëjë një intervistë me kreun e PL-së.

Më tej, ajo tha se është e rëndësishme që palët të jenë të gjitha të përfaqësuara në emisionin e saj.

 

“Zoti Meta e ka parë me vend dhe gjëja e parë që kam parë në reagimin e drejtuar personalisht të shënojë gjithçka që ka dëgjuar duke e dëgjuar emisionin e mbrëmshëm nga '313'. Ka shënuar gjithçka në dekriptimin e asaj dosjeje mbrëmë në 'Top Story'.

Ilir Meta qartëson që kërkon një intervistë apo një panel të bërë qoftë edhe në gjendjen e burgosjes ku ai është. 

Është hera e parë që Ilir Meta qartëson sa i përket lobimit dhe emrave që mendon se janë përgjegjës. Kjo është një transparencë për publikun. Ndër të tjera ka qenë një mesazh i gjatë në 'Facebook'.

Ilir Meta me normalitetin e tij, ose siç e ka parë ai, thotë që në këtë studio ishte vetëm avokati i tij i vendosur përballë tre gazetarëve dhe e konsideron që ka qenë një lloj mospariteti palësh mbrojtëse dhe sulmuese. 

Është e rëndësishme për ne në 'Top Story', kemi ftuar mbrëmjen e djeshme edhe zotin Genc Gjokutaj, por na thanë se mbrojtjen e kishte marrë avokati Kujtim Cakrani.

Për ne e rëndësishme nuk është të vendosim palët në ndonjë kënd, sesa për të vendosur palët për të qartësuar ndokënd për transparencën.

Vendosëm gazetarët që njohin dosjen dhe jo analistë duke ruajtur etikën. Nuk harruam qëndrimet që i kemi mbajtur që në krye të herës sa i përket mënyrës se si është arrestuar.

Kjo intervistë nëse do të na mundësohet, patjetër që do ta bëjmë. Balanca e palëve është e rëndësishme, jemi përpjekur që palët të jenë të përfaqësuara dhe e mbrëmshmja më mirë se avokati i tij nuk do të kishte pasur dot mundësi tjetër për të qartësuar dosjen”, tha gazetarja./ CNA

 

 





Lajmet e fundit nga