Emri/ Kush është i emëruari i Ramës në Bashki, që doli kontrabandist cigaresh me masë nga GJKKO

29 Maj 2025, 16:39, Politikë CNA

Emri/ Kush është i emëruari i Ramës në Bashki, që

Një ditë më parë Gjykata e Posaçme firmosi disa urdhërarreste dhe urdhra ndalimi me kërkesë të Prokurorisë së Posaçme pas një goditje ndaj kontrabandës së një sasie të madhe cigaresh që i kishin shkaktuar një dëm buxhtetit të shtetit dhe vendeve të BE-së me vlerën e qindra miliona lekëve.

Skema ishte e tillë që cigaret transportoheshin nga Shqipëria drejt vendeve të BE duke shkelur ligjet.

Si rrjedhojë e pësuan disa doganierë, biznesmenë etj.

Sipas Alfa Press një nga 20 personat për të cilët GJKKO ka caktuar urdhër-ndalimi është edhe Eldi Hoxha.

Eldi Hoxha u emërua nga Rama si Sekretar i Përgjithshëm në Bashkinë e Tiranës paraditen e së mërkurës ndërsa pasdite u shpall nga SPAK dhe GJKKO, pjesë e një rrjeti të gjerë zyrtarësh dhe biznesmenësh, si kontrabandistë cigaresh.

Në vendimin e GJKKO thuhet se ndaj Hoxhës, është caktuar masa e sigurimit "Ndalimi i daljes jashtë shteti?" dhe "Detyrimi për tu paraqitur në Policinë Gjyqësore”.

“18. Caktimin e masës së sigurimit "Ndalimi i daljes jashtë shteti?" dhe "Detyrimi për tu paraqitur në Policinë Gjyqësore”, të parashikuara nga nenet 233 dhe 234 të Kodit të Proçedurës Penale, ndaj shtetasit nën hetim Eldi Hoxha, i biri i Vladimir dhe Elvira, i datëlindjes 05.10.1982, me kombësi dhe shtetësi shqiptare, i martuar, me numër personal 121005149F, me adresë banimi: rruga "Barrikadave", Nd. 32, H.1, kati 8-të, Njësia Administrative Nr. 9, Tiranë: i dyshuar për kryerjen e veprave penale “Kontrabanda nga punonjës që lidhen me veprimtarinë doganore", i parashikuar nga neni 175 i Kodit Penal.

18.1. Urdhërohet personi nën hetim Eldi Hoxha të mos largohet nga territori i Republikës së Shqipërisë pa autorizimin e gjykatës, në referim të nenit 233, pika 1 të K.Pr. Penale "Ndalimi i daljes jashtë shtetit".

18.2. Ndalohet përdorimi i pasaportës dhe dokumenteve të tjerë identifikues të vlefshme për daljen jashtë shtetit, për personin nën hetim Eldi Hoxha.

18.3. Urdhërohet personi nën hetim Eldi Hoxha që të paraqitet para oficerit të policisë gjyqësore z. Julian Marko pranë Byros Kombëtare të Hetimit, të hënën e parë dhe të tretë të muajit, ora 12.30.

19. Caktimin e masës së sigurimit "Ndalimi i daljes jashtë shtetit" dhe "Detyrimi për tu paraqitur në Policinë Gjyqësore", të parashikuara nga nenet 233 dhe 234 të Kodit të Proçedurës Penale, ndaj shtetasit nën hetim Ylber Karanxha, i biri i Shaban dhe Lazime i datëlindjes 01.12.1974, me kombësi dhe shtetësi shqiptare, i martuar me numër personal H41201044P, me adresë banimi: rruga "5 maji", Njësia Bashkiake Nr. 4, Ap. 75, hyrja 29 Tiranë; i dyshuar për kryerjen e veprave penale "Kontrabanda nga punonjës që lidhen me veprimtarinë doganore", i parashikuar nga neni 175 i Kodit Penal.

Prokuroria e Posaçme reagoi përmes një njoftimi zyrtar lidhur me aksionin për goditjen e grupit kriminal që kontrabandonte cigare. Në njoftimin e SPAK, thuhet se në skemën e sofistikuar të kontrabandës, janë të përfshirë shtetas shqiptarë dhe të huaj, punonjës të strukturave doganore dhe biznesmenë. Cigaret bëhet me dije se prodhohenin në Shqipëri dhe më pas kontrabandohenin drejt vendeve fqinje dhe më pas drejt atyre të Bashkimit Europian. Njoftohet se masa e sigurisë ”Arrest me burg” është ekzekutuar për 5 nga 15 shtetasit në hetim, ndërsa masa e sigurisë “Detyrim paraqitje” dhe “Ndalim i daljes jashtë shtetit” është ekzekutuar për 15 nga 20 shtetasit nën hetim. Gjithashtu është caktuar dhe një masë sigurie "arrest në shtëpi"”, thuhet ndër të tjera në vendimin e GJKKO./ CNA