web counter
LEXO PA REKLAMA!

SHKARKO APP

App Store
Google Play

E fundit!

x

Reagimi i Ambasadës së SHBA për zgjedhjet/ Shkullaku: I janë rikthyer rolit të arbitrit

29 Maj 2025, 22:20, Politikë CNA

Reagimi i Ambasadës së SHBA për zgjedhjet/ Shkullaku: I janë

Gazetari Armand Shkullaku ka folur për reagimin e Ambasadës së SHBA për zgjedhjet.

Në emisionin e Çim Peka Live, Shkullaku tha se në 2021 ata e kishin humbur rolin e arbitrit, ndërsa tani i janë rikthyer sërish atij roli.

“Dy deklaratat që nxore e t’i marrësh jashtë kontekstit e 2021 është normale, e 2025 s’është normale. Kur ka zgjedhje të rregullta, demokratike, urohet fituesi, shprehet vlerësimi për pjesëmarrësit në garë dhe fjalia e 3 është thellimi, bashkëpunimi, kortezi diplomatike. Ne na duket e kundërta, që 2021 është anormale dhe 2025, normale.

Kemi ardhur në një situatë kur më 2021, kur ambasada Amerikane u bë organizatë e PS për Edi Ramën, na ndodhi që sekretari Blinken uron Ramën pa u certifikuar zgjedhjet akoma, pa dalë rezultati përfundimtar. Urimi erdhi në një kohë kur për 4 vite rresht, ishte kryqëzuar vetëm opozita.

Na kishin bindur që SHBA, përmes ambasadës këtu e kishin humbur totalisht rolin e arbitrit dhe të bëhesh palë me të fortin, e duke stigmatizuar të dobëtin, më duket anormale. S’është detyre të godasësh palën tjetër. Në historinë e marrëdhënieve shqiptaro-amerikane, për herë të parë një pjesë e madhe e shqiptarëve që s’ndiheshin të barabartë nga ambasada amerikane, pati një reagim ndaj SHBA. Është një fakt që është përcjellë.

Deklarata e dytë, duhet të përshëndeste fituesin, që e ka kompromentuar aq shumë fituesin sa s’guxojnë t’i përmendin emrin. DASH i tha gazetarit amerikan, që marrëdhënia mes SHBA-Shqipëri s’mund të mbahen peng i administratës së shkuar të Joe Biden. U njoh si pengmarrje politike, ndaj asaj që kishte bërë DASH në marrëdhënien me Shqipërinë përmes ambasadës amerikane këtu. Deklarata është rezervuar për këtë.

Janë të rezervuar e s’përmendën Ramën e PS, pasi kanë pasur kohë të mjaftueshme për t’u njohur me raportet ligjzbatuese, DEA, FBI, raportet për kokainën s’i dimë vetëm ne dhe Antimafia, por problem që është prezent. Diplomacia vepron e ndarë nga shërbimet. Ata e dinë me kë kanë të bëjnë këtej e tutje. Të paktën, pas kësaj katastrofe, SHBA po përpiqen të rikthehen në rolin e arbitrit”, tha Shkullaku./ CNA





Lajmet e fundit nga