web counter
LEXO PA REKLAMA!

SHKARKO APP

App Store
Google Play

KQZ rrëzon pretendimin e PD-së për "trenin bullgar" në Peqin

30 Maj 2025, 15:36, Politikë CNA

KQZ rrëzon pretendimin e PD-së për "trenin bullgar"

Komisioni Qendror i Zgjedhjeve ka rrëzuar sot pretendimet e bëra nga Partia Demokratike për “trenin bullgar” për ngjarjen e denoncuar pak ditë më parë në Bashkinë Peqin. Më herët, PD deklaroi se kishte kapur fletë votimi në një lokal të zonës dhe se përdoreshin nga Partia Socialiste për manipulim të procesit.

KQZ i është përgjigjur përmes një shkrese që mban datën 30 maj, ku Komisioneri Shtetëror i Zgjedhjeve, Ilirjan Celibashi, thekson se nga KZAZ.com nr. 45, Peqin, nuk është evidentuar ndonjë rast ku fletë votimi të papërdorura të jenë administruar jashtë kutive të materialeve zgjedhore të kësaj KZAZ-je.

“Në përgjigje të shkresës suaj, administruar me tonën nr. 4865 prot., datë 23.5.2025, me lëndë “Kërkesë për informacion dhe ekspertim të pavarur mbi materialet zgjedhore të kapura në Peqin, Qarku Elbasan, më datë 22.05.2025”, ju bëjmë me dije sa më poshtë: Gjatë procesit të marrjes në dorëzim të bazës materiale të dërguar nga KZAZ.com nr. 45, Peqin, nuk është evidentuar ndonjë rast ku fletë votimi të papërdorura të jenë administruar jashtë kutive të materialeve zgjedhore të kësaj KZAZ-je”, thuhet në përgjigjen e Celibashit./CNA

 

 

 

 

 

 





Lajmet e fundit nga