web counter
LEXO PA REKLAMA!

SHKARKO APP

App Store
Google Play

E fundit!

x

“S’kemi ende prova”/ Nuri: KQZ dhe DHL duhet të vërtetojnë çdo votë të qytetarit të diasporës

30 Maj 2025, 21:29, Politikë CNA

“S’kemi ende prova”/ Nuri: KQZ dhe DHL duhet të

Përfaqësuesi ligjor i PD, Franc Nuri ndau komentet e tij lidhur me proceset që zhvillohen në KAS, pasi Partia Demokratike depozitoi ankimime lidhur me rezultatin e votave nga diaspora në zgjedhjet e 11 majit.

Në një dalje telvizive në ‘Syri Tv’, Nuri deklaroi se PD nuk ka ende prova nga KQZ, që i është kërkuar tu vihen në dispozicion për të gjitha të dhënat e diasporës për Shqipërinë.

Nuri tha se KQZ dhe DHL duhet të vërtetojnë se çdo votë e qytetari të diasporës të ketë shkuar në adresë kundrejt nënshkrimit.

“Kërkuam shtyrjen e seancës në KQZ dhe na u pranua, pasi nuk na ishte vënë në dispozicion nga ana e KQZ, provat që ne kërkuam. Ka pasur përpjekje për ta zhvlerësuar KAS, ne arritëm ta bindim pro shtyrjes së afatit. S’kemi ende prova nga ana e KQZ. Kemi kërkuar vënien në dispozicion të të dhënave të diasporës për Shqipërinë, përfshirë Kukësin.

KQZ dhe DHL ta vërtetojë që çdo votë e qytetarit të diasporës të ketë shkuar në adresë kundrejt nënshkrimit. E kemi kërkuar për  të gjithë diasporën. Por KQZ ka dhënë për Greqinë në fillim, ne kemi kërkuar diasporën. I ballafaqova me të pavërtetat në seancë nga ana e KQZ. Edhe në diskutimet me Celibashin, ia bëra të qartë për të dhënat sa më parë, pa nisur ankimin.  Ne kemi të drejtë të njihemi me provat.

KAS i ka dhënë detyrë KQZ që t’i vërë në dispozicion provat sa më praë. KQZ i ka dërguar një letër DHL më 28 maj dhe i thotë t’i sjellë shpejt, ndërsa ne e kemi bërë publike javë më parë.  Tendencë jo vetëm për zvarritjen, por edhe mostransparencë nga ana e KQZ. Nuk duan të na japin këto të dhëna. Është një problematikë mjaft e madhe. I kemi marrë si masë nga PD që këto të dhëna t’i kërkojmë në kohën e duhur. I kemi paraprirë çdo gjëje, ndërsa kemi zvarritje.

 Kemi kërkuar të dhëna për çdo QV. Procesverbalet që në fillim s’u vunë në dispozicion. I kërkuam dhe në format elektronik. Na janë përcjellë sot në rrugë zyrtare dhe PD po i analizon. Kemi bindjen se nga të dhënat elektronike, do arrijë të demonstrojmë farsën elektorale dhe përmasat e kësaj farse elektorale. Me shifra.  Kryqëzimi i të dhënave, konsolidimi i të dhënave, të gjitha të dhënat që kemi, denoncimet nga degët, mediat. Të gjithë të dhënat do t’i përdorim në funksion të ankimimeve. Këqyrja e kamerave, do të shërbejnë që PD t’i përdorë në procesin ankimor në KAS, apo dhe në Kolegjin Zgjedhor nëse do të kemi rast t’i ankimojmë dhe aty.

Kemi kërkuar herë pas herë që të dhënat të na serviren edhe nga organt e  tjera ligjzbatuese, si nga prokuroria. KAS ka ndryshuar pak qasjen. Ne për Kukësin kishim dijeni për 2-3 kallëzime, prokuroria na solli 5-6. Më pas na thanë që ta sjellim ne dhe jo institucionet e tjera”,-tha Nuri./CNA





Lajmet e fundit nga