E fundit!

07:30 Horoskopi

Horoskopi i ditës, e mërkurë 15 korrik 2026

Dashi Ruani qetësinë në marrëdhënie dhe shmangni reagimet...

Veliaj rifillon grindjet nga burgu/ “Po më sulmojnë padrejtësisht”

20 Maj 2025, 12:50, Politikë CNA

Veliaj rifillon grindjet nga burgu/ “Po më sulmojnë

Erion Veliaj

Kryebashkiaku i arrestuar për disa vepra të rënda penale, Erion Veliaj, ka rifilluar grindjet nga burgu i Durrësit.

Megjithëse ndodhet në burg me tri vendime gjykatash dhe u kap me përgjime skandaloze, Veliaj vijon të gënjejë kur thotë se ndodhet në burg pa asnjë justifikim dhe se ndalimi i tij është i padrejtë dhe arbitrar.

Veliaj gënjen kur thotë se nuk është akuzuar për asnjë vepër penale, ndërkohë në vendimin e gjykatës është e shkruar e zeza mbi të bardhë që mbi të rëndojnë akuzat për veprat penale si “Korrupsion aktiv dhe pasiv i të zgjedhurve vendorë”, “Pastrimi i produkteve të veprës penale” dhe “Futja e sendeve të ndaluara në qelitë e paraburgimit”.

Në fakt në burg hyn me vendim gjykate dhe Erioni ka disa të tilla.

Vendimet e gjykatës e treguan qartë se nuk ka asnjë burgosje të padrejtë, pasi përveç akuzave Veliaj dhe bashkëpunëtorët e tij përbënin rrezik për prishjen e provave.

Gjithsesi Erioni ka të drejtë të grindet, fundja në burg është.

“Shumë të dashur miq,

Sot bëhen 100 ditë nga burgimi im pa asnjë justifikim të arsyeshëm. Ndalimi im i padrejtë dhe arbitrar vazhdon, megjithëse nuk jam akuzuar për asnjë vepër penale. Si pasojë, po pengohem forcërisht nga ushtrimi i detyrave të mia si Kryetar i zgjedhur, me votë masive 3 herë, i Bashkisë së Tiranës.

Vazhdimi i këtij paraburgimi nuk përbën vetëm një sulm ndaj meje dhe familjes sime, por është edhe një ndërhyrje e panevojshme dhe joproporcionale në përmbushjen e detyrave publike, që më janë besuar nga qytetarët e Tiranës. Pavarësisht burgimit mbetem i papërkulur. Çdo ditë që kalon, ma forcon edhe më shumë vendosmërinë. Angazhimi im ndaj Tiranës, ndaj jush, ndaj demokracisë, sundimit të ligjit dhe të ardhmes së Shqipërisë mbetet i palëkundur.

Do të vazhdoj të ndjek të gjitha rrugët ligjore për të siguruar lirimin tim, në mënyrë që të vazhdoj t’i shërbej qytetit tonë të mrekullueshëm si kryebashkiaku juaj.

Me mall dhe dashuri për secilin prej jush!”, shkruan Veliaj./ CNA