web counter
LEXO PA REKLAMA!

SHKARKO APP

App Store
Google Play

E fundit!

x

“Garuam me një parti-shtet”/ Berisha për zgjedhjet: Proces fiktiv dhe me shkelje

20 Maj 2025, 12:42, Politikë CNA

“Garuam me një parti-shtet”/ Berisha për zgjedhjet: Proces

Kreu i Partisë Demokratike, Sali Berisha, përmes një një konference për shtyp që mbajti këtë të martë, bëri deklarata të forta teksa u shpreh se më 11 maj u zhvillua një farsë elektorale. Në fjalën e tij nga selia e PD-së, Berisha tha se shkeljet në zgjedhjet parlamentare kanë ndodhur në mijëra raste.

Berisha u shpreh se subjektet politike garuan me një parti-shtet.

Berisha e quajti garën për zgjedhjet e 11 majit si fiktive.

“Kemi të bëjmë me sharrimin e këtij parimi themelor që zgjedhjet i dëshmon farsë. Që Shqipëria pati farsë elektorale, të cilën njerëzit e lirë kurrë nuk mund ta pranojnë. Në këto zgjedhje dhe në këtë vend u shkel një parim tjetër ndër më themelorët e një sistemi demokratik. Parimi kusht që ndan shtetin ligjor nga shteti partiak. Dhe kjo ndodhi në mijëra e mijëra raste.

Çfarë thotë pika 5, fraksion 4? Zotohen për një ndarje të qartë të shtetit dhe partive politike. Në veçanti, partitë politike nuk do të përzihen me shtetin. Ja pra çfarë përcakton dokumenti ndërkombëtar për zgjedhje të drejta. Që në momentin kur ti garon me një parti-shtet, ato nuk janë zgjedhje por janë farsë elektorale. Merr fund procesi zgjedhor sepse garë nuk ka.

Gara është fiktive për arsye se ti ke në fushë në ndeshje një shtet që ka mbrapa buxhete miliardash, që ka një logjistikë të pafundme, që ka të gjitha mjetet e dhunës dhe një apo disa forca politike pa asnjë lloj mjeti mbrojtës ndaj këtij shteti barbar në raport me zgjedhjet”,-tha Berisha./CNA

 





Lajmet e fundit nga