web counter
LEXO PA REKLAMA!

SHKARKO APP

App Store
Google Play

Kërkesa për filmime të numërimit/ Rama mesazh PS: Humbja e një gare s’duhet të bëhet shkak për të humbur dhe fytyrën

19 Maj 2025, 22:37, Politikë CNA

Kërkesa për filmime të numërimit/ Rama mesazh PS: Humbja e

Ditën e sotme përfundoi numërimi për votat preferenciale në disa qarqe të vendit.

Pas kësaj disa kandidatë kanë kërkuar pamje filmike të numërimit apo dhe rinumërin si nga socialistët ashtu dhe nga demorkatët.

Në lidhje me këto ankesa nga kandidatët ka reaguar dhe kryeministri Edi Rama, i cili u ka dërguar një mesazh të tijëve.

Në mesazhin e siguruar nga mediat, Rama shkruan se nuk mund të ndalojë askënd të kërkojë filmimet apo rinumërime, por këshillon që të mos i hyjnë asaj rruge.

Më tej, në mesazhin e Ramës dërguar socialistëve thuhet se nuk ka asnjë shans që të ketë devijime vote.

Gjithashtu në mesazhin e kryeministrit thuhet se këto kërkesa hedhin hije mbi numëruesit e PS.

“Kam marrë njoftim me trishtim për disa iniciativa individuale, për të kërkuar filmime, rinumërime e ku di unë çfarë tjetër për votën preferenciale!

Natyrisht që s’mund të ndaloj askënd të veprojë me kokën e vet, por, duke qenë se këtu në këtë dritare jemi ende një skuadër – dhe unë dua që kështu të mbetemi – do të këshilloja që të mos i hyhet asaj rruge. Sepse, së pari, humbja e një gare s’duhet të bëhet shkak për të humbur edhe fytyrën, kur në fakt nuk ka asnjë shans, zero, që me gjithë ata sy mbi ekrane, të ketë devijime vote në përmasa që do ta mbushnin hendekun e kujtdoqoftë me ata që kanë dalë fitues – jo me 10 a 20, por me shumë më tepër vota diferencë nga pasuesit në klasifikim.

Së dyti, kjo do të thotë të hidhet hije mbi njerëzit tanë, që kanë qëndruar pafundësisht nëpër tryeza numërimi, e që nuk e meritojnë kurrkund një hije të tillë dyshimi për kontributin e tyre të madh. E së fundi, përfytyrojeni vetë se sa keq do të ndjehet kushdo që do t’i hyjë kësaj rruge, duke ushqyer qenerinë mediatike, kur në fund, mali i mbarsur mund të mos pjellë as një mi”, thuhet në mesazhin e Ramës./ CNA





Lajmet e fundit nga