web counter
LEXO PA REKLAMA!

SHKARKO APP

App Store
Google Play

E fundit!

x

Pretendimet për vjedhje votash/ Alibeaj, Alimehmeti dhe 9 kandidatë të tjerë kërkojnë pamjet e numërimit nga KQZ

19 Maj 2025, 11:59, Politikë CNA

Pretendimet për vjedhje votash/ Alibeaj, Alimehmeti dhe 9 kandidatë

11 kandidatë, ndër të cilët edhe dy kandidatët e njohur që kanë garuar për Qarkun Tiranë në zgjedhjet e 11 majit, Enkelejd Alibeaj dhe Ilir Alimehmeti, i janë drejtuar Komisionit Qendror të Zgjedhjeve me kërkesë për të marrë pamjet filmike të numërimit, pasi kanë shprehur pretendime për parregullsi gjatë procesit të numërimit të votave nga zgjedhjet parlamentare.  

Kandidati i PD-së në Tiranë, Ilir Alimehmeti, humbi votat përballë kandidatës tjetër të PD-së, Jorida Tabaku, sikurse kandidatja e PS-së, Blerina Gjylameti, në garë të ngushtë me Olta Xhaçkën, e cila kryeson me 69 vota nga numërimi i deritanishëm.

Kandidati tjetër që ka kërkuar pamjet filmike është Shkëlqim Shehu, kandidati demokrat në Qarkun Kukës që humbi mandatin përballë Isuf Çelajt. Edhe kandidatja e PD-së në Qarkun Durrës, Ilirjana Kuçana, ka kërkuar pamjet filmike nga numërimi.

Kandidatët e tjerë janë nga Partia Djathtas 1912, kandidati i Koalicionit Euroatlantik Rajmond Dervishi në Tiranë, Etilda Gjonaj e PS-së në Tiranë, Altin Goxhaj i PD-së në Tiranë, Aulon Kalaja i PD-së në Durrës, të cilin e mundi Arjan Ndoja, si edhe Frrok Gjini i PS-së në Shkodër./CNA

 

 

 

 





Lajmet e fundit nga