web counter
LEXO PA REKLAMA!

SHKARKO APP

App Store
Google Play

E fundit!

x

A do ta drejtojë seancën e parë të Kuvendit?/ Berisha jep përgjigjen e prerë

19 Maj 2025, 10:54, Politikë CNA

A do ta drejtojë seancën e parë të Kuvendit?/ Berisha jep

Kreu i PD-së, Sali Berisha, ka bërë me dije se nuk do të jetë ai që do të drejtojë seancën e parë të sesionit të ri parlamentar, edhe pse është deputeti më i vjetër i parlamentit.

Ai theksoi se do të vazhdojë betejën kundër vjedhjeve monstruoze që janë bërë në zgjedhjet e 11 majit.

“Unë vazhdoj betejën kundër kësaj vjedhjeje më monstruozja e 32 viteve në historinë e zgjedhjeve pluraliste.

Këto vjedhje, kësaj here, kjo vjedhje monstruoze, ka qenë një vjedhje e paralajmëruar, pasi është e denoncuar paraprakisht në 4 rezoluta ndërkombëtare me forcën dhe fuqinë më të madhe.

Së dyti, kjo vjedhje është denoncuar në raportin paraprak të vëzhguesve ndërkombëtarë.

Ne vazhdojmë betejën tonë gjer në rikthimin e së drejtës së votës së lirë të shqiptarëve.

Kjo pyetje e ka përgjigjen. Nuk do të mund të ndodhë ndonjëherë ajo, dhe ju siguroj se beteja jonë do vazhdojë gjer në rikthimin e votës së lirë të shqiptarëve.

Të mos mendojë njeri se ne intimidohemi, as se ne impresionohemi, përkundrazi.

Çdo përpjekje për të përligjur vjedhjen, vetëm sa dëshmon amoralitetin dhe bashkëfajësinë e të gjithë atyre që e ndërmarrin.

Sepse vjedhja kësaj here ka ndodhur publikisht, me vendime qeverie, pa u fshehur fare.

Ndaj dhe ne qëndrojmë të fuqishëm dhe kemi besim se do t’ia dalim”, u shpreh lideri i opozitës./ CNA





Lajmet e fundit nga