web counter
LEXO PA REKLAMA!

SHKARKO APP

App Store
Google Play

Numërimi i votave të diasporës/ Balla: Mirënjohje mbi 120 mijë bashkatdhetarëve që na mbështetën

18 Maj 2025, 21:25, Politikë CNA

Numërimi i votave të diasporës/ Balla: Mirënjohje mbi 120

Taulant Balla ka reaguar me një mesazh falënderimi pas përfundimit të numërimit të votave të ardhura nga jashtë vendit në zgjedhjet parlamentare të 11 majit. Në një postim në rrjetet sociale, Balla e cilësoi votën e diasporës si një akt historik, duke vënë në dukje mbështetjen që shqiptarët jashtë vendit i dhanë Partisë Socialiste.

“MIRËNJOHJE DIASPORA kuqezi! Mbi 120 mijë shqiptarë e shqiptare, pothuajse dy në tre votues nga jashtë, mbështetën #EdiRama dhe #PartiaSocialiste për ta vendosur flamurin kuqezi në oborrin e Bashkimit Europian. KJO ËSHTË NJË VOTË HISTORIKE”,- shkruan Balla.

Kjo deklaratë vjen në një moment kur është mbyllur numërimi i mbi 197 mijë zarfeve të ardhura me postë nga votuesit shqiptarë jashtë vendit, me një pjesëmarrje prej rreth 80% të regjistruarve.

Vota e diasporës ka qenë vendimtare edhe për ndarjen e mandateve në disa qarqe, si Vlora dhe Fieri.

Për Ballën, kjo mbështetje masive nga diaspora nuk është thjesht një rezultat elektoral, por edhe kurorëzimi me sukses i një misioni, që si Drejtues Politik për Diasporën e çoi mes mijëra e mijëra shqiptarëve në komunitetet më të mëdha të tyre nëpër botë, që cilët bënë historinë këtë vit, duke votuar për herë të parë. Dhe me vullnetin dhe objektivitetin e të qenit larg treguan qartë se kujt i besojnë fatin e atdheut./CNA

 





Lajmet e fundit nga