web counter
LEXO PA REKLAMA!

SHKARKO APP

App Store
Google Play

E fundit!

x

“Do jemi zëri juaj në Kuvend”/ Doshi: PSD mori 3 mandate nga 50 mijë shqiptarët që e votuan

18 Maj 2025, 18:14, Politikë CNA

“Do jemi zëri juaj në Kuvend”/ Doshi: PSD mori 3 mandate

Kreu i Partisë Socialdemokrate, Tom Doshi ka ndarë një mesazh falenderimi për votuesit e PSD-së, që i siguruan kësaj force politike 3 mandate në Kuvendin e Shqipërisë. Përmes një postimi në rrjetet sociale, Doshi shprehet se kjo fitore e PSD-së vjen nga votat e 50 mijë shqiptarëve që e votuan.

Doshi shton se Partia Socialdemokrate do të punojë pa u lodhur e pa u ndalur për ta bërë realitet kontratën me votuesit.

“Sot dua të falenderoj nga zemra 50 mijë shqiptarët, nga gjithë qarqet e vendit, Shkodër, Kukës, Tiranë, Korçë, Fier, Durrës, Elbasan, Lezhë, Dibër, Vlorë, Berat, Gjirokastër e Diasporë të cilët na besuan dhe votuan. Ju jeni forca jonë dhe arsyeja pse vazhdojmë të ecim përpara, mbi të gjitha për të ba ma t’mirën për ju.

Pavarësisht tan sfidave ne ia dolëm, ne ia dolëm me 50 mijë vota, me një numër të jashtëzakonshëm anëtarësh dhe aktivistësh vullnetarë, dhe me 3 deputetë të legjislaturës së ardhshme të cilët do jenë zëri juaj në Parlament!

Partia Socialdemokrate dhe unë do punojmë pa u lodhun e pa u ndalun për ta bërë realitet kontratën tonë socialdemokrate, kontratën tonë me votuesit, me shtresat në nevojë, me njerëzit e vujtun, me ata që kanë nevojë të dëgjohen e të përkrahen!

Një falenderim i veçantë i shkon votuesve të mi besnikë në Shkodër, Vaun e Dejës, Malësinë e Madhe, Pukë e Fushë Arrëz. Besnikeria që kemi ndaj njani tjetrit asht po aq e palëkundun sa dashuria për familjen e besimi në Zot.

Shkodra, Malësia e Madhe, veriu do jenë tan jetën shtëpia jeme. E gjithë Shqipëria ashtë shtëpia jonë, ku socialdemokratët kanë gjetun jo vetëm përkrahje por kanë marrë respektin që meritojnë.

Misioni vazhdon!”,-shkruan Doshi./CNA

 





Lajmet e fundit nga