web counter
LEXO PA REKLAMA!

SHKARKO APP

App Store
Google Play

E fundit!

x

Rezultati nga vota e diasporës në Lezhë/ Manja: PD pretendonte mandatin e 5-të, mezi ruajti të katërtin

17 Maj 2025, 22:44, Politikë CNA

Rezultati nga vota e diasporës në Lezhë/ Manja: PD pretendonte

Drejtuesi politik i PS-së për qarkun Lezhë, Ulsi Manja ka reaguar pas përfundimit të numërimit të votave nga diaspora për këtë qark. Përmes një psotimi në rrjete sociale, Manja shprehet se në këtë garë ka dy fitues: PD, që pretendonte të merrte mandatin e 5-të, mezi ruajti mandatin e 4-të për 71 vota dhe PS, që u rrit me 6.283 vota krahasuar me vitin 2021 dhe rigjeti veten pas 35 vjetësh.

Manja shprehet se pas këtij rezultati fillon puna për fitoren e radhës.

“Numërimi i fundit nga diaspora për Lezhën sapo përfundoi! PS nuk arriti mandatin e 4-të për vetëm 71 vota, në një rezultat historik për qarkun tonë!

Falenderimet dua t’i nis me Edi Ramën, që më besoi të udhëheq skuadrën më luftarake të PS-së, atë të qarkut Lezhë! Faleminderit me zemër çdo socialisti në Lezhë, Kurbin, Mirditë dhe diasporë, që na mbështeti me zemër dhe me votë, pa hile e lajka!

Mirënjohje të veçantë komisionerëve, numëruesve dhe vëzhguesve tanë, që numëruan deri në votën e fundit – ju jeni zemra e PS-së në Lezhë!

Në këtë garë ka dy fitues:

• PD, që pretendonte të merrte mandatin e 5-të, mezi ruajti mandatin e 4-të për 71 vota;

• dhe PS, që u rrit me 6.283 vota krahasuar me vitin 2021 dhe rigjeti veten pas 35 vjetësh!

Jini krenarë për gjithçka arritëm! Nesër fillon puna për fitoren e radhës!

Faleminderit skuadrës sime të deputetëve, keni qenë secili më i mirë se tjetri! Faleminderit vëllait tim, Pjerin Ndreu, që tashmë ka kohë që e ka kthyer timonin e Lezhës drejt PS-së dhe Edi Ramës, me besim dhe pasion përtej interesave zgjedhore lokale! Faleminderit diasporës së qarkut Lezhë që na dhuruat emocionet e një fitoreje europiane!

Urime Ermalit dhe Admirit, vlera të reja për Lezhën në Parlamentin e ri! Faleminderit qarkut Lezhë për bukën dhe respektin që më keni dhënë dhe që më bëtë pjesë të kësaj gare kaq emocionuese!

Falenderoj Zotin për njerëzit me të cilët punoj! u dua shumë të gjithëve dhe na priftë e mbara në betejën e radhës!”,-shprehet Manja./CNA

 

 

 





Lajmet e fundit nga