web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Qëllimi madhor i opozitës, e drejta e shqiptarëve për të votuar të lirë

17 Maj 2025, 12:55, Politikë CNA

Berisha: Qëllimi madhor i opozitës, e drejta e shqiptarëve

Kryetari i Partisë Demorkatike, Sali Berisha, ka zhvilluar ditën e sotme një konferencë për mediat.

Gjatë fjalës së tij, Berisha tha se beteja për mbrojtjen e votës do të zhvillohet në Shqipëri dhe jashtë saj.

Kryedemokrati u shpreh se qëllimi më madhor i PD-së është garantimi i votës së lirë të qytetarëve.

Për ata që nuk kanë këtë si qëllim madhor, Berisha tha se i shërbejnë sistemit të narkodiktaturës.

“Raporti i vëzhguesve ndërkombëtarë, OSBE-ODIHR, Parlamenti Europian dhe Këshilli i Europës, janë një dokument jashtëzakonisht i çmuar. Por faktet tronditëse të marra nga ky raport dhe gjetjet tona u paraqitën në seancën plenare të debateve për gjendjen në botë dhe zgjuan indinjatë dhe dënim nga të pranishmit, të cilët kuptuan se gjendja në Shqipëri ishte gjendja e një narkodiktature të ngjashme me Venezuelën e Maduro-s, apo regjime të tjera të ngjashme të drogës dhe krimit. Si përfundim, mund t'u them shqiptarëve se ky hap i parë shumë i rëndësishëm në mbrojtje të votës së tyre, që vinte pas një serie aktesh madhore të mishëruara me 4 rezoluta që dënojnë narkoregjimin e Edi Ramës, ishte pra edhe një vazhdimësi dhe një sukses tjetër në realizimin e qëllimit tonë. Beteja për mbrojtjen e votës është një betejë që do të zhvillohet në Shqipëri, por do të zhvillohet edhe jashtë saj, ama zgjedhjet janë një proces që janë sa kombëtar, aq dhe ndërkombëtar. Ne jemi të angazhuar të bëjmë çdo përpjekje për të mbrojtur, për të rikthyer të drejtën e shqiptarëve për të votuar si qytetarë të lirë. Ky është qëllimi më madhor i PD-së dhe opozitës së vërtetë shqiptare.

Sot ata që nuk përcaktojnë si qëllimin më madhor këtë objektiv, janë thjeshtë një stol i narkodiktatorit, altoparlant, apo lakej të tij. Ne do të qëndrojmë me të gjithë potencialin dhe fuqinë tonë”, tha Berisha.





Lajmet e fundit nga