E fundit!

11:11 Kosova & Bota

Tërmeti i fuqishëm godet Greqinë

Një tërmet i fuqishëm me magnitudë 5.1 ballë të shkallës R...

Qarku Lezhë, i vetmi “battleground”

17 Maj 2025, 10:03, Politikë Eduart Zaloshnja

Termi “battleground” (fushëbetejë) ka filluar të përdoret gjerësisht në Europë për rajone ku gara elektorale është shumë e fortë dhe partia e parë përcaktohet nga një përqindje fare e vogël votash.

Ky term e ka orgjinën nga garat presidenciale amerikane, ku përdoret për pak shtete që përcaktojnë fituesin presidencal (fjala vjen, Trump rishkoi në Shtëpinë e Bardhë vetëm falë epërsisë fare të vogël në tri shtete: Wisconsin 0.8%, Michigan 1.4%, Pennsylvania 1.7%.).

Në zgjedhjet tona të 11 majit, Lezha ishte i vetmi qark ku, kur të mbarojë numërimi i votave, partia e parë mund të përcaktohet me një epërsi prej më pak se 1%.

Në qarqet e tjera, partia e parë e qarkut ka epërsi të qartë nga e dyta, duke filluar me Shkodrën (epërsi 2.6%), e duke përfunduar me Beratin (epërsi 51%).

Në Qarkun Lezhë gara u bë kaq e ngushtë kësaj here, sepse PD+LSI+etj., (të bashkuara së fundmi në Aleancën për Shqipërinë Madhështore) morën shumë më pak vota sesa në zgjedhjet e vitit 2021 (krahasimi është bërë me votat e këtushme, sepse diaspora nuk votoi në 2021).

Kështu, në gjithë Qarkun Lezhë, PD+LSI+etj., morën plot 12000 vota të këtushme më pak se në 2021. Nga ana tjetër, PS-ja mori 300 vota të këtushme më shumë dhe partitë e vogla plot 5300 vota të këtushme më shumë (shihni tabelën e mëposhtme).

Duke u futur më thellë në qark, PD+LSI+etj., e bënë gropën më të madhe elektorale në Bashkinë Kurbin, e dyta për nga popullsia në qark – gropa ishte plot 5500 vota. Në Bashkinë Lezhë gropa elektorale ishte plot 4700 vota, dhe në Bashkinë Mirditë 1800.

PS-ja pati rritje në dy bashkitë e mëdha, e sidomos në Bashkinë Kurbin (1200 vota). Ndërsa në Bashkinë Mirditë votat e PS-së u tkurrën plot 1100. Nga ana tjetër, partitë e vogla patën rritje proporcionale në të tria bashkitë e qarkut.

Qarku Lezhë, i vetmi “battleground”