web counter
LEXO PA REKLAMA!

SHKARKO APP

App Store
Google Play

" Nuk ishte aspak garë e lehtë"/ Muçollari: Nuk do reshtim së punuari për ndryshimin që na duhet

16 Maj 2025, 22:47, Politikë CNA

" Nuk ishte aspak garë e lehtë"/ Muçollari: Nuk do

Kandidati i PD për Tiranën, Grigels Muçollari me anë të një statusi në rrjetet sociale ka falënderuar zgjedhësit që votuan emrin e tij më 11 maj.

Muçollari shkruan se nuk ishte një garë e lehtë dhe as komode pëër ata që votuan.

Listën e hapur dhe fushatën e bërë, Muçollari i cilëson si përvoojë fantastike.

Më tej, Muçollari shkruan se nuk do të rështë s ëpunuari për ndryshimin.

 

Statusi i Grigels Muçollarit

Kam një falënderim nga zemra për mijëra qytetarë të qarkut të Tiranës që vendosën shenjën e tyre te emri im në fletën e votimit, që më besuan në këto zgjedhje. Nuk ishte aspak garë e lehtë, dhe nuk ishte komode as për ata që ushtruan vullnetin, në një klimë të egër me shantazh, patronazhim, e blerje vote.

Një falënderim që buron nga shpirti vjen edhe për qindra të rinj e të reja, demokratë anembanë Tiranës që më shoqëruan dhe më përcollën energjinë e tyre çdo ditë në këtë rrugëtim.

Beteja në listën e hapur dhe fushata ishin përvojë fantastike. Ndihem kaq i pasuruar me takimet, me kontaktet me njerëzit, me njohjen e thellë të realitetit të trishtë që shpesh mbahet i fshehur nga propaganda.

Jam sot i inkurajuar për të vijuar në rrugën që duhet të sjellë ndryshim. Pa dyshim si politikan i ri kam pezmatim kur shoh se vendi im, në vitin 2025, nuk mban zgjedhje të ndershme, dhe qeveria shfrytëzon gjithë pushtetin e instrumentat që ka për të ndalur gjykimin e lirë të qytetarëve. Kjo është edhe një arsye më shumë për të rritur përpjekjet për Shqipërinë që meritojmë, me vlera e standarde europiane.

Nuk do reshtim së punuari për ndryshimin që na duhet. Por është e qartë që kjo do të ndodhë vetëm kur të kemi zgjedhje të lira e të ndershme./ CNA





Lajmet e fundit nga