web counter
LEXO PA REKLAMA!

SHKARKO APP

App Store
Google Play

E fundit!

x

Rama, mesazh BE-së: Është koha të rishpikë veten

16 Maj 2025, 13:27, Politikë CNA

Rama, mesazh BE-së: Është koha të rishpikë veten

Kryeministri Edi Rama ka mbajtur fjalimin e tij në Samitin e Komunitetit Politik Europian, ku ka theksuar se Europa ka mundësinë tashmë të rishpikë veten.

Kryeministri theksoi se Europa duhet të jetë një shtëpi që nuk ngjan me armët, por me imagjinatën e fëmijëve për Europën.

“Ëndrra e paqes së përhershme është zëvendësuar nga makthi i luftërave të përhershme.

Nuk duhet të harrojmë Europën e arsyes njerëzore.

Kjo Europë që në një moment të caktuar i dha jetë projektit më të pangjashëm në histori. BE na mësoi se ish-armiqtë mund të bëheshin bashkë.

Ishte ajo Europë që na mësoi se në mes të konflikteve të tmerrshme duhet të kemi besim.

Në Ballkan u kemi mbijetuar luftërave, bombave, shkatërrimit. Kemi mësuar se paqja nuk ka konkurrentë. Shpresa në Europën tjetër është më e madhe këtu.

U kemi mbijetuar kolapsit ekonomik, lajmeve të rreme.

Europa mbetet terreni më pjellor për të shndërruar rrjetat në rrugë të shndritshme, të suksesshme.

Le t'u japim të rinjve të Europës, bizneseve të reja, një arsye më të mirë për të qëndruar, sesa të flasim për armë dhe armatim. T’i mësojmë t’i hedhin sytë larg për të ardhmen e tyre.

Europa ka një mundësi për të rishpikur veten. Një shtëpi që nuk ngjan me armët, por me imagjinatën e fëmijëve tanë për Europën”, tha Rama./ CNA





Lajmet e fundit nga