web counter
LEXO PA REKLAMA!

SHKARKO APP

App Store
Google Play

E fundit!

x

Numërimi i kutive të fundit në Fier/ Balluku: Pranimi i humbjes nga kundërshtarët, qytetari

15 Maj 2025, 18:32, Politikë CNA

Numërimi i kutive të fundit në Fier/ Balluku: Pranimi i humbjes

Në KZAZ-në nr. 60 në Fier po numërohen kutitë e fundit për votat preferenciale.

Drejtuesja politike e qarkut dhe numri dy i qeverisë, Belinda Balluku është shprehur se rezultatet e votimeve tregojnë që kanë bërë një zgjedhje të mirë të skuadrës.

“Përsa i përket votës preferenciale e vlerësoj shumë se tregon që kemi bërë një zgjedhje të mirë në skuadrën tonë. Vota preferenciale është e shpërndarë në të gjithë listën, por nga ana tjetër kemi vendet e para siç është Ceno Klosi që kryeson listën me mbi 16 mijë vota, rasti i mjekut Asforaj Haxhiu nga Lushnja rreth 12 mijë vota apo rasti i Antoneta Dhimës më e votuara nga femrat mbi 6 mijë vota.

E gjithë kjo tregon që kemi bërë zgjedhje të mira dhe nga ana tjetër kësaj radhe kemi patur një përfaqësim me njerëz që janë lindur dhe rritur këtu. Ceno Klosi ka lindur në Fier, është rritur dhe shkolluar këtu pastaj me kontribute në PS, me arritje në karrierën e tij.

Siç është edhe rasti i Altit, vjen nga një familje socialiste në thelb, por ama është vlerësuar edhe për faktin që është një nga kirurgët më të mirë në Shqipëri, jo vetëm në Qark dhe njerëzit e njohin personalisht.

Tregon që këtu është bërë një fushatë që njerëzit kanë arritur të njohin kandidatët se po të shohësh votat janë të shpërndara sipas zonave ku ata kanë punuar. Kjo tregon të gjithë suksesin e fushatës”, tha Balluku.

Ndër të tjera ka komentuar se pranimi i humbjes në Fier nga Luan Baçi tregon qytetari dhe profesionalizëm.

“Nëse zoti Baçi e ka pranuar publikisht tregon qytetari dhe profesionalizëm”, deklaroi Balluku./ CNA





Lajmet e fundit nga