web counter
LEXO PA REKLAMA!

SHKARKO APP

App Store
Google Play

Sherri në KZAZ nr.30 në Kashar/ Celibashi merr masat, u revokon akreditimin të gjithë vëzhguesve

15 Maj 2025, 15:54, Politikë CNA

Sherri në KZAZ nr.30 në Kashar/ Celibashi merr masat, u revokon

Kreu i KQZ-së, Ilirjan Celibashi, ka reaguar menjëherë pas sherrit të ndodhur në KZAZ nr. 30 Kashar.

Celibashi ka vendosur revokimin e akreditimit të të gjithë vëzhguesve të KZAZ-së Nr. 30, Qarku Tiranë, të lëshuara për KZAZ dhe VNV.

Celibashi kërkon që KZAZ Nr. 30 të caktojë një vëzhgues për çdo tavolinë numërimi për secilin subjekt zgjedhor dhe në rastin e koaliconeve deri në 3 vëzhgues.

“VENDIM PËR

REVOKIMIN E AKREDITIMIT TE VEZHGUESVE TE KZAZ NR. 30 QARKU TIRANE PËR ZGJEDHJET PËR KUVEND TË DATËS 11 MAJ 2025

Në mbështetje të nenit 19, pikat 1, shkronja "n", dhe 2, nenit 6, 7, 116 të ligjit nr.10019, datë 29.12.2008 "Kodi Zgjedhor i Republikës së Shqipërisë", te ndryshuar dhe Vendimit Nr. 23 date 1.2.2023 "Për procedurat dhe kriteret e akreditimit të vëzhguesve të subjekteve zgjedhore në komisionet e zonave të administrimit zgjedhor, komisionet e qendrave të votimit dhe vendet e numërimit të votave, në zgjedhje”

VENDOS:

1. Revokimin e akreditimit te te gjithe vezhguesve te KZAZ-se Nr. 30, Qarku Tirane, te leshuara per KZAZ dhe VNV.

2. KZAZ Nr. 30 te caktoje 1 (nje) vezhgues per cdo tavoline numerimi per secilin subjekt zgjedhor dhe ne rastin e koaliconeve deri ne 3 vezhgues.

3. Ky vendim hyn në fuqi menjëherë dhe publikohet në faqen zyrtare të internetit të Komisionit Qendror të Zgjedhjeve.

4. Kundër këtij vendimi mund të bëhet ankim në Komisionin e Ankimimeve dhe Sanksioneve brenda 3 (tre) ditëve nga shpallja e tij”, thuhet ndër të tjera në vendimin e Celibashit./ CNA

Sherri në KZAZ nr.30 në Kashar/ Celibashi merr masat, u revokon





Lajmet e fundit nga