web counter
LEXO PA REKLAMA!

SHKARKO APP

App Store
Google Play

“Sa lekë hodhe në Dibër për votat?”/ PD denoncon rastin pas zgjedhjeve të 11 majit

15 Maj 2025, 11:27, Politikë CNA

“Sa lekë hodhe në Dibër për votat?”/ PD denoncon

Partia Demokratike ka bërë sot një denoncim publik ndaj një rasti që e cilësoi si krim zgjedhor. Në një deklaratë për shtyp, kryetari i Këshillit Kombëtar të PD-së, Edi Paloka, publikoi një video të regjistruar nga një anëtar i partisë.

Në video dëgjohet të thuhet: “Sa lekë hodhe në Dibër për votat”?

Nën praninë e autorit të video-regjistrimit, Lulzim Memaçi dhe me deklaratën e Palokës, PD shprehet se ka marrë në mbrojtje publike anëtarin e PD-së për shkak të kërcënimeve që ka marrë.

Paloka shtoi se kryeministri Edi Rama nuk mund të trembë demokratët.

 “Sot jam këtu për të bërë një denoncim. Si kjo video gjeni me mijëra dhe jo si kjo e bërë në mënyrë të fshehtë ku po tregohej krimi elektoral. Autori i kësaj videoje është Lulzim Memaçi, anëtar i PD-së prej vitesh, komisioner edhe në këto zgjedhje.

E kanë kërcënuar. I kanë thënë çfarë i ke bërë vetës me atë video, do ta shohësh. Nuk mjaftohen me çfarë kanë bërë për të mbajtur këtë pushtet.

E denoncoj këtë rast dhe e marr në mbrojtje publike Lulzimin. Rama mund të trembë apo blejë, por nuk mund të trembë demokratët. Nuk u mjaftoi ajo që bënë, por edhe ata që u kanë dalë kundër, u bëjnë kërcënime”,-deklaroi Paloka./CNA





Lajmet e fundit nga